କେନ୍ଦ୍ରପଡା (ଏଟିଆର ବ୍ୟୁରୋ): କେନ୍ଦ୍ରାପଡା ଜିଲ୍ଲା ପାଟକୁରା ଥାନା ପହଣା ନିକଟରେ ଏକ ସଡକ ଦୁର୍ଘଟଣା ଘଟିଛି । ଏକ ପିକଅପ୍ ଭ୍ୟାନ୍ ଟି ରାସ୍ତା କଡକୁ ଓଲଟି ପଡିଛି । ଏଥିରେ ତିନି ଜଣ ବ୍ୟକ୍ତି ଗୁରୁତର ଭାବେ ଆହତ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି । ଆହତଙ୍କୁ ଚିକିତ୍ସା କରିବା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ଆଜି ଭୋରୁ ଭୋରୁ ଏହି ଦୁର୍ଘଟଣା ଘଟିଛି । ପାଟକୁରା ଅଞ୍ଚଳରୁ ଏକ ବାହାଘର ଶୋଭାଯାତ୍ରା ସାରି ଭ୍ୟାନ୍ ଟି ଫେରୁଥିବା ବେଳେ ପହଣା ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା । ଭ୍ୟାନ୍ ରେ ବସିଥିବା ବ୍ୟାଣ୍ଡପାର୍ଟିର ଲୋକଙ୍କ ମଧ୍ୟରୁ ଜଣେ ମୃତ୍ୟୁ ବରଣ କରିଛି ଏବଂ ଅନ୍ୟ ତିନି ଜଣ ଗୁରୁତର ଭାବେ ଆହତ ହୋଇଛନ୍ତି ।
ଆହତଙ୍କୁ ପ୍ରଥମେ କେନ୍ଦ୍ରପଡା ଜିଲ୍ଲା ମୁଖ୍ୟ ଡାକ୍ତରଖାନା ଏବଂ କଟକ ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ମୃତ ବ୍ୟକ୍ତି ଜଣଙ୍କ ଭରତ ଚନ୍ଦ୍ର ମଲ୍ଲିକ ବୋଲି ଜଣା ପଡିଛି ।
