ଯାଜପୁର (ଏଟିଆର ବ୍ୟୁରୋ): କୋରେଇ ରେଳ ଷ୍ଟେସନରେ ଭୟଙ୍କର ଟ୍ରେନ ଦୁର୍ଘଟଣା ଘଟିଛି । ମାଲବାହୀ ଟ୍ରେନଟି ଲାଇନଚ୍ୟୁତ ହୋଇ ପ୍ଲାଟଫର୍ମ ଉପରକୁ ମାଡି ଯାଇଛି । ଏଥିରେ ୧୨ ଟି ବଗି ପ୍ଲାଟଫର୍ମ ଉପରକୁ ମାଡି ଯିବା ଫଳରେ ପ୍ଲାଟଫର୍ମରେ ଟ୍ରେନକୁ ଅପେକ୍ଷା କରି ଛିଡା ହୋଇଥିବା ଯାତ୍ରୀ ଦୁର୍ଘଟଣାର ଶିକାର ହୋଇଛନ୍ତି । ଏହି ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ୩ ଜଣ ଗୁରୁତର ହୋଇଛନ୍ତି ।
ଦୁର୍ଘଟଣା ପରେ ଜରୁରୀକାଳୀନ ହେଲ୍ପଲାଇନ ନଂ ଜାରି କରିଛି ରେଳବାଇ । କୋରେଇ ଷ୍ଟେସନ ପାଇଁ ୮୪୫୫୮୮୯୯୦୫ ନଂ, ଭୁବନେଶ୍ୱର ଷ୍ଟେସନ ପାଇଁ ୦୬୭୪୨୫୩୪୦୨୦,୦୬୭୪୨୫୩୪୦୨୭ ଏବଂ ଖୋର୍ଦ୍ଧା ରୋଡ କଣ୍ଟ୍ରୋଲ ରୁମ୍ ପାଇଁ ୦୬୭୪୨୪୯୨୨୪୫ ନଂ ଜାରି କରାଯାଇଛି ।
