ଭଦ୍ରକ (ଏଟିଆର ବ୍ୟୁରୋ): ଚାରି ଧାମ ଯାତ୍ରା ହେଲା କାଳ । ଅଧା ବାଟରେ ଘଟିଲା ମର୍ମନ୍ତୁଦ ସଡକ ଦୁର୍ଘଟଣା । ଭଦ୍ରକ ବାରିକପୁର ନିକଟରେ ଏହି ଦୁର୍ଘଟଣା ଘଟିଛି । ଏଥିରେ ଦୁଇ ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ବେଳେ ୧୫ ରୁ ଅଧିକ ଯାତ୍ର ଗୁରୁତର ଭାବେ ଆହତ ହୋଇଛନ୍ତି । ଆହତଙ୍କୁ ଚିକିତ୍ସା କରିବା ପାଇଁ ପ୍ରଥମେ ଭଦ୍ରକ ମେଡିକାଲ ଏବଂ ପରେ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି ।
ଖବରମୁତାବକ, ଉତ୍ତରପ୍ରଦେଶରୁ ତୀର୍ଥଯାତ୍ରୀ ବସ୍ ଟି ଚାରିଧାମ ଯାତ୍ର ଅଭିମୁଖେ ବାହାରିଥିଲା । ବସ୍ ଟି ଅଯୋଧ୍ୟାରୁ ପୁରୀ ଅଭିମୁଖେ ଯାଉଥିବା ବେଳେ ଭଦ୍ରକ ବାରିକପୁରର ୧୬ ନଂ ଜାତୀୟ ରାଜପଥରେ ବିଳମ୍ବିତ ରାତିରେ ଦୁର୍ଘଟଣା ଘଟିଥିଲା । ଆଜ୍ଞା ହଁ ବାରିକପୁରର ରାସ୍ତା କଡରେ ଛିଡା ହୋଇଥିବା ଏକ ଧାନ ବୋଝେଇ ଟ୍ରକ୍ କୁ ଧକ୍କା ଦେଇଥିଲା ବସ୍ । ଏହି ଦୁର୍ଘଟିଣାଟି ଡ୍ରାଇଭରଙ୍କ ବେପରୁଆ ଗାଡି ଚଲାଇବା ଯୋଗୁଁ ହୋଇଥିବା କୁହାଯାଉଛି । ବସ୍ ରେ ପ୍ରାୟତଃ ୫୮ ଜଣ ଯାତ୍ରୀ ଥିଲେ ।
