ଚାନ୍ଦବାଲି(ଏଟିଆର ବ୍ୟୁରୋ): ଭାରସାମ୍ୟ ହରାଇ ଏକ ବାଇକ ଗଛରେ ପିଟି ହୋଇ ୨ଜଣ ଯୁବକଙ୍କ ମୃତ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ଏଭଳି ଏକ ଘଟଣା ଘଟିଛି ଭଦ୍ରକ ଜିଲ୍ଲା ବାଂଶଡା ଥାନା ନୂଆଗାଁ ନିକଟରେ । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ତିନି ଜଣ ଯୁବକ ବାଇକ ଯୋଗେ ମତୋ- ନଲୋଗୋହରା ରାସ୍ତା ଦେଇ ନଳଗୋହିର ଗାଁକୁ ଫେରୁ ଥିଲେ । ତେବେ ନୂଆଗାଁ ନିକଟରେ ବାଇକଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଥିଲା । ଫଳରେ ବାଇରେ ଥିବା ୩ ଜଣ ଯୁବକ ଗୁରୁତର ଆହତ ହୋଇପଡିଥିଲେ । ସ୍ଥାନୀୟ ଲୋକ ତିନି ଜଣ ଯୁବକଙ୍କୁ ଘଟଣା ସ୍ଥଳରୁ ଉଦ୍ଧାର କରି ଚାନ୍ଦବାଲି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।
ସେଠାରେ ଡାକ୍ତର ଜଣେ ଯୁବକଙ୍କୁ ମୃତ ଘୋଷଣା କରିଥିଲେ । ଏହା ପରେ ଅନ୍ୟଦୁଇ ଜଣ ଯୁବକଙ୍କ ସ୍ୱାସ୍ଥ୍ୟବସ୍ଥା ବିଗିଡିବାରୁ ସେମାନଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଥିଲା । କଟକରେ ଚିକିତ୍ସାଧୀନ ଅବସ୍ଥାରେ ଆଉ ଜଣେ ମୃତ୍ୟୁ ହୋଇଥିଲା । ମୃତ୍ୟ ଦୁଇ ଜଣ ହେଉଛନ୍ତି ଅଶୋକ ଦାସ ଓ ବଳରାମ ନାୟକ ବୋଲି ଜଣାପଡିଛି । ଆନନ୍ଦ ନାୟକ ନାମକ ଯୁବକ ଆହତ ଅଛନ୍ତି । ତିନି ଜଣ ଯୁବକଙ୍କ ଘର ସ୍ଥାନୀୟ ନଳଗୋହିରା ଗାଁରେ ବୋଲି ଜଣା ପଡିଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
