କଳାହାଣ୍ଡି (ଏଟିଆର ବ୍ୟୁରୋ); ପୁଣି ଏକ ବରଯାତ୍ରୀ ଗାଡି ଦୁର୍ଘଟଣା ଗସ୍ତ ହୋଇଛି । ତେବେ ଏଥରକ କଳାହାଣ୍ଡି ଜିଲ୍ଲା ମଦନପୁର ଥାନା ଅନ୍ତର୍ଗତ ଆମପଡାଠାରେ ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗୁୂରୁତର ଆହାତ ହୋଇଛନ୍ତି । ଆହାତ ମାନଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୃତକମାନେ ହେଲେ ଭବାନୀପାଟଣାର ଗଙ୍ଗା ପ୍ରଧାନ ଏବଂ ଶଶୀ ଆରୁଖ । ପୋଲିସ ଖବର ପାଇ ମୃ୍ତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି ।
ଭବାନୀପାଟଣାରୁ ଭଞ୍ଜନଗର ଯାଉଥିଲେ ବରଯାତ୍ରୀ । ଘରୁ ବହୁତ ଖୁସି ହୋଇ ଗାଁରେ ରୋଷଣୀ କରି ବାହାରିଥିଲେ । ମାତ୍ର ଭଞ୍ଜନଗର ଯାଉଥିବା ବେଳେ ମଦନପୁର ଥାନା ଆମପଡାଠାରେ ୱିଙ୍ଗରରେ ଯାଉଥିବା ବରଯାତ୍ରୀଙ୍କୁ ଧକ୍କା ଦେଇଥିଲା ଟ୍ରକ । ବରଯାତ୍ରୀ ଗାଡିରେ ସର୍ବମୋଟ ୭ ଜଣ ଯାଉଥିଲେ । ତେବେ ଦୁର୍ଘଟଣା ସ୍ଥଳରେ ହିଁ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ଆହାତ ହୋଇଛନ୍ତି । ବାକି ୨ ଜଣ ସମାନ୍ୟ ଅଘାତ ପାଇଛନ୍ତି । ଆହାତମାନଙ୍କୁ ସ୍ଥାନୀୟ ଲୋକ ପ୍ରଥମେ ଉଦ୍ଧାର ମେଡିକାଲ ପଠାଇ ଦେଇଥିଲେ । ଏବଂ ପରେ ପୋଲିସକୁ ଖବର ଦେଇଥିଲେ । ପୋଲିସ ଖବର ପାଇ ଘଟଣାସ୍ଥଳରେ ପହଁଞ୍ଚି ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ଏହି ଘଟଣା ପ୍ରଚାର ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
