ମୁମ୍ବାଇ(ଏଟିଆର ବ୍ୟୁରୋ): ବଲିଉଡର ଖିଲାଡି ବୟ ଅକ୍ଷୟ କୁମାରଙ୍କ ପାଖରେ ନୂଆ ବାୟୋପିକ ଅଫର କରାଯାଇଛି । ଆଉ ସେ ଏହି ବାୟୋପିକ କରିବେ ବୋଲି ରାଜି ହୋଇଯାଇଛନ୍ତି । ଗତ ଡିସେମ୍ବରରେ ଅକ୍ଷୟଙ୍କ ଅଭିନିତ ଫିଲ୍ମ ଗୁଡ୍ ନ୍ୟୁଜ୍ ବକ୍ସ ଅଫିସରେ ଭଲ କଲେକ୍ସନ କରିଥିଲା । ତେବେ ଏହା ପରେ ସେ ତାଙ୍କ ଆଗାମୀ ଫିଲ୍ମ ସୂର୍ଯ୍ୟବଂଶୀ ସୁଟିଂରେ ବ୍ୟସ୍ତ ଅଛନ୍ତି । ଏହା ମଧ୍ୟରେ ଆଉ ଏକ ଫିଲ୍ମରେ କାମ କରିବାକୁ ତାଙ୍କୁ ଅଫର ମିଳିଛି ।
ଅଲ୍ ଇଣ୍ଡିଆ ଆଣ୍ଟି ଟେରୋରିଷ୍ଟ ଫ୍ରଣ୍ଟର ଅଧ୍ୟକ୍ଷ ମନିନ୍ଦର ସିଂହ ବିଟ୍ଟାଙ୍କ ବାୟୋପିକରେ ଅକ୍ଷୟ ନଜର ଆସିବେ ବୋଲ ଚର୍ଚ୍ଚା ହେଉଛି । ଏହି ଫିଲ୍ମର କାହାଣୀ ଅକ୍ଷୟଙ୍କୁ ଖୁବଭଲ ଲାଗିଛି । ଏହି ଫିଲ୍ମ କରିବା ପାଇଁ ସେ ରାଜି ହୋଇଥିବା ବେଳେ ଏଥିପାଇଁ ପ୍ରକ୍ରିୟା ଜାରି ରହିଛି । ଏହି ଫିଲ୍ମକୁ ରିଲାଏନ୍ସ ଏଣ୍ଟରଟେନମେଣ୍ଟ ତିଆରି କରିବ । ଖୁବ ଶୀଘ୍ର ଅକ୍ଷୟ ଏମଏସ ବିଟ୍ଟାଙ୍କୁ ସାକ୍ଷାତ କରିବାର ଯୋଜନା ରହିଛି ।
