ମୁମ୍ବାଇ(ଏଟିଆର ବ୍ୟୁରୋ): ଟାଇଗର ଶ୍ରଫ୍ ଙ୍କ ଫିଲ୍ମ ବାଗି-୩ ଗତ ଫିଲ୍ମ ଫ୍ରାଇଡେରେ ରିଲିଜ୍ ହୋଇଛି । ରିଲିଜ୍ ହେବା ମାତ୍ରେ ହିଁ ସିନେପ୍ରେମୀଙ୍କ ଉତ୍ସାହ ଫିଲ୍ମ ଟିକୁ ଆଶାନୂରୁପ କଲେକ୍ସନ ଦେଇଥିଲା ।
ପ୍ରଥମ ଦିନରେ ୧୭କୋଟିରୁ ଉଦ୍ଧ୍ୱର୍ ବ୍ୟବସାୟ କରିବାରେ ସଫଳ ହୋଇଛି ବାଗି-୩ । ଏହା ପରେ ଦ୍ୱିତୀୟ ଦିନରେ ମଧ୍ୟ ଦର୍ଶକଙ୍କ ମନ କିଣିବାରେ ସଫଳ ହୋଇଛି ଏହି ଫିଲ୍ମ । ଦ୍ବିତୀୟ ଦିନରେ ପ୍ରାୟ ୧୫ରୁ ୧୬ କୋଟି ଟଙ୍କାର ବ୍ୟବସାୟ କରିଛି ଏହି ଫିଲ୍ମ । ଦୁଇଦିନର କଲେକ୍ସନକୁ ଅନୁସାରେ ଫିଲ୍ମଟି ଆନ୍ତର୍ଜାତୀୟ ମାର୍କେଟରେ ବର୍ଷ ୨୦୨୦ରେ ସବୁଠାରୁ ବଡ ଓପନିଙ୍ଗ ଫିଲ୍ମ ବୋଲି ରେକର୍ଡ କରିଛି ।
ଫିଲ୍ମଟିର ଏହିପରି ବ୍ୟବସାୟ ଆଗକୁ ରହିଲେ ବାଗି-୩ ନିଶ୍ଚୟ ସଫଳ ହେବ ବୋଲି ଆଶା କରାଯାଇପାରେ । ଏହି ଫିଲ୍ମରେ ଟାଇଗର ଶ୍ରଫ୍ ଙ୍କ ସହିତ ଶ୍ରଦ୍ଧା କପୁର ମୁଖ୍ୟ ଭୂମିକାରେ ନଜର ଆସୁଛନ୍ତି ।
୨୦୧୮ରେ ରିଲିଜ୍ ହୋଇଥିବା ଫିଲ୍ମ ବାଗି-୨ ପ୍ରଥମ ଦିନରେ ପ୍ରାୟ ୨୫କୋଟିର ବ୍ୟବସାୟ କରିଥିଲା । ଏହା ପୂର୍ବରୁ ୨୦୧୬ରେ ରିଲିଜ୍ ହୋଇଥିଲା ବାଗି । ବାଗି ପ୍ରଥମ ଦିନରେ ୧୨କୋଟିର ବ୍ୟବସାୟ କରିଥିଲା ।
