ପାଣାଜି (ଏଟଇଆର ବ୍ୟୁରୋ): ବଲିଉଡ୍ ଅଭିନେତ୍ରୀ ଜରିନ୍ ଖାନ୍ ଙ୍କ ଗାଡି ସହ ଏକ ବାଇକ୍ ଧକ୍କା ହେବା ଫଳରେ ଜଣେ ଜୁବକଙ୍କ ମୃତ୍ୟୁ ଘଟିଛି । ଗତକାଲି ଗୋଆରେ ଜରିନ୍ ଙ୍କ ଗାଡି ସମ୍ନାକୁ ଏକ ବାଇକ୍ ପଳାଇ ଆସିଥିଲା । ଏଥିରେ ବାଇକ୍ ଆରୋହୀ ଜଣଙ୍କ ଗୁରୁତର ହୋଇପଡିଥିଲେ । ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
ଖବରମୁତାବକ, ଉତ୍ତର ଗୋଆର ଅଞ୍ଜୁନା ଗାଁରେ ଏହି ଦୁର୍ଘଟଣା ଘଟିଛି । ନିକଟବର୍ତ୍ତି ମାପୁସା ସହରରେ ରହୁଥିବା ୩୧ ବର୍ଷିୟ ନିତେଶ ଗୌରଲ ତାଙ୍କ ବାଇକ ଯୋଗେ ଯାଉଥିବା ବେଳେ ଜରିନ୍ ଙ୍କ କାର୍ ସହ ଧକ୍କା ହୋଇଥିଲେ । ଘଟଣାରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି ।
ପୋଲିସ୍ ମୁତାବକ ଦୁର୍ଘଟଣା ସମୟରେ ଜରିନ୍ ଖାନ୍ ଏବଂ ତାଙ୍କ ଡ୍ରାଇଭର ଅଲ୍ଲୀ ଅବାସ୍ ଗାଡିରେ ଉପସ୍ଥିତ ଥିଲେ । ମାମଲାକୁ ନେଇ ଏବେ ଦତନ୍ତ ଜାରି ରହିଛି ।
