ମୁମ୍ବାଇ (ଏଟିଆର ବ୍ୟୁରୋ): ସମସ୍ତଙ୍କର ପ୍ରିୟ ବଲିଉଡ ଅଭିନେତ୍ରୀ ହେଉଛନ୍ତି ସୋନାଲି ବିନ୍ଦ୍ରେ । ଯିଏ ଟିଭି ପରଦାରେ ସମସ୍ତଙ୍କୁ ମନୋରଞ୍ଜିତ କରୁଥିଲେ ଆଜି ସେ କର୍କଟ ରୋଗ ସହ ଯୁଦ୍ଧ କରି ନ୍ୟୁୟର୍କରେ ଚିକିତ୍ସିତ ହେଉଛନ୍ତି । ସେ ତାଙ୍କର ପ୍ରତ୍ୟେକ ମୁହୂର୍ତ୍ତ ତାଙ୍କ ଫ୍ୟାନ୍ସଙ୍କ ସହ ସୋସିଆଲ ମିଡିଆରେ ସେୟାର କରିଥାନ୍ତି । କିନ୍ତୁ ୪୩ ବର୍ଷିୟ ଏହି ଅଭିନେତ୍ରୀ ବଞ୍ଚି ଥାଉ ଥାଉ ତାଙ୍କୁ ଶ୍ରଦ୍ଧାଞ୍ଜଳି ଦେଇ ଏବେ ହଟହଟାରେ ବିଜେପି ବିଧାୟକ ରାମ କଦମ ।
ହୁଏତ ନେତାମାନଙ୍କୁ କଳାକାରଙ୍କ ବିଷୟରେ କୌଣସି ଫରକ ପଡୁନାହିଁ । ସେଥିପାଇଁ ତ ଭାରତୀୟ ଜନତା ପାର୍ଟିର ବିଧାୟକ ରାମ କଦମଙ୍କ ଦ୍ୱାରା ଶୁକ୍ରବାର ଏତେ ବଡ ଭୁଲ୍ ହୋଇଯାଇଛି । ଯିଏ କି ଅଭିନେତ୍ରୀ ସୋନାଲି ବିନ୍ଦ୍ରେ ବଞ୍ଚି ଥାଉ ଥାଉ ତାଙ୍କୁ ଶ୍ରଦ୍ଧାଞ୍ଜଳି ଦେଇଦେଇଛନ୍ତି । ଏହାପରେ ସୋସିଆଲ ମିଡିଆରେ ହଙ୍ଗାମା ଦେଖିବାକୁ ମିଳିଛି ।
ସୋସିଆଲ ମିଡିଆରେ ଟ୍ରୋଲ ହେବା ପରେ ପରେ ସେ ତାଙ୍କର ଭୁଲ୍ ବୁଛି ପାରି ସୋନାଲିଙ୍କ ସ୍ୱାସ୍ଥ୍ୟ ବହୁତ ଶୀଘ୍ର ଠିକ୍ ହେବା ପାଇଁ ଭଗବାନଙ୍କୁ ପ୍ରର୍ଥନା କରିଛନ୍ତି ।
