ମୁମ୍ବାଇ (ଏଟିଆର ବ୍ୟୁରୋ): ଆଜି ହେଉଛି ଭାରତୀୟ ସେନା ଦିବସ । ଏହି ଖାସ୍ ଅବସରରେ ସାଧାରଣ ଜନତାଙ୍କ ଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ ସମସ୍ତେ ସେନାଙ୍କ ବାହାଦୂର ପାଇଁ ସାଲ୍ୟୁଟ୍ କରୁଛନ୍ତି । ସେହିପରି ବଲିଉଡ କଳାକାର ମାନେ ସୈନିକମାନଙ୍କ ବୀରପଣ ଏବଂ ସାହସକୁ ପ୍ରଶଂସା କରିବା ସହ କୋଟି କୋଟି ଲୋକଙ୍କୁ ସୁରକ୍ଷା ଦେବା ପାଇଁ ତାଙ୍କୁ ଧନ୍ୟବାଦ ଜଣାଇଛନ୍ତି । ବୀର ଯବାନ ମାନଙ୍କ ପାଇଁ ସୋସିଆଲ ମିଡିଆରେ ପ୍ରଶଂସାର ଶୁଅ ଛୁଟୁଛି ।
ଅଭିନେତ୍ରୀ ଅନୁଷ୍କା ଶର୍ମା ଟ୍ୱିଟ୍ କରି ଦେଶର ସୈନିକମାନଙ୍କୁ କୃତଜ୍ଞତା ଜଣାଇଛନ୍ତି ।
ସେହିପରି ମଶୁର ଅଭିନେତା ଅନୁପମ ଖେର୍ ଟ୍ୱିଟ୍ କରି କହିଛନ୍ତି କି, ‘ ଆମ ପତାକା ଏଥିଯୋଗୁଁ ଉଡେ ନାହିଁ କାରଣ ପବନ ତାକୁ ଉଡାଇ ଥାଏ, ଏହା ପ୍ରତ୍ୟେକ ସୈନିକଙ୍କ ଶେଷ ନିଶ୍ୱାସ ସହିତ ଉଡେ ଯିଏ ତାର ରକ୍ଷା କରି ନିଜ ଜୀବନ ବାଜି ଲଗାଇଥାନ୍ତି ।’
ଅଭିନେତା ଅର୍ଜୁନ କପୁର ମଧ୍ୟ ସୈନିକଙ୍କର ଖାସ୍ ଦିନରେ ଏକ ଭଲ ସନ୍ଦେଶ ଦେଇଛନ୍ତି ।
ଅଭିନେତା ରଣଦୀପ ହୁଡ୍ଡା ଟ୍ୱିଟ୍ କରିଛନ୍ତି କି, ‘ଆମେ ଶାନ୍ତିରେ ଶୋଇଥାଉ କାରଣ ସେଠାରେ କିଏ ଅଛନ୍ତି ଯିଏ ଆମ ଶାନ୍ତି ରକ୍ଷା ପାଇଁ ଜଗିଛନ୍ତି.. ଆମ ସ୍ୱତନ୍ତ୍ରତା ପାଇଁ ଜୀବନ ଦେଉଥିବା କିଛି ବ୍ୟକ୍ତିଙ୍କୁ ଏବଂ ଆମ ଦେଶକୁ ରକ୍ଷା କରୁଥିବା ସେହି ବ୍ୟକ୍ତିଙ୍କୁ ମୋର ପ୍ରଣାମ’ ।
