ମୁମ୍ବାଇ (ଏଟିଆର ବ୍ୟୁରୋ): ବଲିଉଉ ସୁପରଷ୍ଟାର ସଲମାନ୍ ଖାନ୍ ଙ୍କ ଲୋକପ୍ରିୟତା କାହାକୁ ଅଛପା ନାହିଁ । ଫିଲ୍ମ ଇଣ୍ଡଷ୍ଟ୍ରିରେ ଏଭଳି କେହି ନାହାନ୍ତି ଯିଏ ସଲମାନ୍ ଙ୍କୁ ଟକ୍କର ଦେବେ । କିନ୍ତୁ ଫିଲ୍ମ ନିର୍ମାତା କରଣ ଜୋହର ଏଭଳି କରିବାକୁ ଯାଉଛନ୍ତି । ସେ ରିସ୍କ ନେବା ପାଇଁ ପ୍ରସ୍ତୁତ ଅଛନ୍ତି ।
ପ୍ରକୃତରେ , ୧୫ ଜୁନରେ ସଲମାନ୍ ଙ୍କ ଫିଲ୍ମ ‘ରେସ୍-୩’ ସହିତ ‘ଲଷ୍ଟ ଷ୍ଟୋରିଜ୍’ ବି ରିଲିଜ୍ ହେବାକୁ ଯାଉଛି ।
କରଣ ଶୁକ୍ରବାର ଦିନ ତାଙ୍କ ଆଗାମୀ ଫିଲ୍ମ ‘ଲଷ୍ଟ ଷ୍ଟୋରିଜ୍’ର ଟ୍ରେଲର ଲଞ୍ଚ କରିଛନ୍ତି । ଏହି ଅବସରରେ ଭୂମି ପେଡନେକର, ସଞ୍ଚୟ କପୁର, ଜୋୟା ଆଖତାର,ଜୟଦୀପ ଅହଲାବତ, ଦିବାକର ବାନାର୍ଜି,ନିର୍ମାତା ରୋନୀ ସ୍କୃୱାଲା ଏବଂ ଆଶି ଦୁଆ ବି ଉପସ୍ଥିତ ଥିଲେ ।
ଯେତେବେଳେ କରଣଙ୍କୁ ପଚରା ଯାଇଥିଲା କି ‘ଲଷ୍ଟ ଷ୍ଟୋରିଜ୍’ଜୁନ୍ ୧୫ରେ ସଲମାନଙ୍କ ରେସ୍-୩ କୁ ଟକ୍କର ଦେବାରେ ତାକତ ଅଛି କି ନାହିଁ, ସେତେବେଳେ ସେ କହିଥିଲେ ବିଲକୁଲ ନାହିଁ । ସେ ଏକ ଅଲଗା ମଞ୍ଚରେ ଅଛନ୍ତି । ସେ ଫିଲ୍ମ ଇଣ୍ଡଷ୍ଟ୍ରିର ଉସତାଦ୍ । ଏବଂ ତାଙ୍କର ରୋସ୍-୩ ପରଦାରେ ଭଲ ସଫଳତା ଆସଲ କରିବ । ଆମେ ତାଙ୍କୁ ଟକ୍କର ଦେଇପାରିବୁ ନାହିଁ ।
ଖବରମୁତାବକ, ଚାରୋଟି ସର୍ଟ ଫିଲ୍ମକୁ ନେଇ ପ୍ରସ୍ତୁତ ହୋଇଛି ଫିଲ୍ମ ‘ଲଷ୍ଟ ଷ୍ଟୋରିଜ୍’ ।
