ନୂଆଦିଲ୍ଲୀ (ଏଟିଆର ବ୍ୟୁରୋ): ଆମୀର ଖାନ୍ ଙ୍କ ଫିଲ୍ମ ଦେଖିବାକୁ ସବୁବେଳେ ଚାତକ ଭଳି ଚାହିଁ ବସିଥାନ୍ତି ଦର୍ଶକ । ଆମୀରଙ୍କ ଫିଲ୍ମ ‘ଠଗ୍ସ ଅଫ୍ ହିନ୍ଦୁସ୍ତାନ’ଫ୍ଲପ୍ ହେବା ପରେ ଏବେ ତାଙ୍କର ଆଗାମୀ ଫିଲ୍ମକୁ ଦର୍ଶକ ଅପେକ୍ଷା କରି ରହିଛନ୍ତି । ଆମୀରଙ୍କ ଆଗାମୀ ଫିଲ୍ମ ହେଉଛି ‘ଲାଲ ସିଂହ ଚଡ୍ଢା’ । ସେ ଏବେ ଏହି ଫିଲ୍ମର ସୁଟିଂ ରେ ଖୁବ୍ ବ୍ୟସ୍ତ ଅଛନ୍ତି । ମାତ୍ର ଏବେ ସୁଟିଂ ସେଟ୍ ରୁ ଆମୀରଙ୍କ ଫଟୋ ଲିକ୍ ହୋଇଛି ।
ଏହି ଫଟୋରେ ଆମୀର ଏକ ଶିଖ୍ ଲୁକ୍ ରେ ନଜର ଆସିଛନ୍ତି । ଲମ୍ବା ଲମ୍ବା ଦାଢୀ ସାଙ୍ଗକୁ ମୁଣ୍ଡରେ ପଗଡି ଭିଡି ଏକ ଗ୍ରେ କଲରର ପ୍ୟାଣ୍ଟ ଏବଂ ପର୍ପଲ କଲରର ସାର୍ଟ ରେ ଆମୀରଙ୍କୁ ଦେଖିବାକୁ ମିଳିଛି । ଅଭିନୟ ପାଇଁ ପ୍ରତ୍ୟେକ ଚରିତ୍ରରେ ନିଜକୁ ଫିଟ୍ କରି ଦେଇଥାନ୍ତି ଆମୀର । ସେପଟେ ଆମୀରଙ୍କ ଏହି ନୂଆ ଲୁକ୍ସକୁ ଦର୍ଶକ ଖୁବ୍ ପସନ୍ଦ ମଧ୍ୟ କରିଛନ୍ତି ।
ଏହାସହିତ ଆମୀର ଖାନ୍ ଙ୍କ ନୂଆ ଲକ୍ସ ଦେଖି ଜଣେ ୟୁଜର୍ସ ଲେଖିଛନ୍ତି, ଆମୀର ସମ୍ପୂର୍ଣ୍ଣ ସରଦାରଙ୍କ ଭଳି ଦିଶୁଛନ୍ତି । ତାଙ୍କୁ ଚିହ୍ନିବା ମୁସକିଲ୍ ହୋଇପଡିଛି । ସେହିପରି ଅନ୍ୟ ଜଣେ ୟୁଜର୍ସ ଲେଖିଛନ୍ତି , ‘ଅଭିନେତା ହେବ ତ ଏହିଭଳି’ ।
ଏହି ଫିଲ୍ମରେ ଆମୀରଙ୍କ ସହିତ ମୁଖ୍ୟ ଭୂମିକାରେ କରୀନା କପୁରଙ୍କୁ ଦେଖିବାକୁ ମିଳିବ । ଫିଲ୍ମର ସୁଟିଂ ଚଣ୍ଡିଗଡ ରେ ଚାଲିଛି ।
