ମୁମ୍ବାଇ (ଏଟିଆର ବ୍ୟୁରୋ):ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଆଜି ୩୦ ବର୍ଷରେ ପାଦ ଥାପିଛନ୍ତି । ବିବାହ ପରେ ବିରାଟଙ୍କ ସହିତ ଅନୁଷ୍କାଙ୍କ ଏହା ପ୍ରଥମ ଜନ୍ମ ଦିବସ । ଏହି ଅବସରରେ ବିରାଟ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଅନୁଷ୍କାଙ୍କୁ କେକ୍ ଖୁଆଉଥିବାର ଏକ ଫଟୋ ସେୟାର କରିଛନ୍ତି । ଏହାସହିତ କ୍ୟାପସନରେ ଲେଖିଛନ୍ତି ହାପି ବର୍ଥ ଡେ ମାଇଁ ଲଭ । ତୁମେ ଦୁନିଆର ସବୁଠୁ ସକରାତ୍ମକ ଏବଂ ସତ୍ୟପ୍ରିୟ ଝିଅ ଅଟ, ଲଭ ୟୁ ।
ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମାଙ୍କ ବିଷୟରେ ସମସ୍ତଙ୍କୁ ଜଣା । କିଛି ଦିନ ପୂର୍ବରୁ ଦୁଇଜଣ ଇଟାଲିରେ ଖୁବ୍ ଧୁମଧାମରେ ବିବାହ କରିଥିଲେ । ବିଭିନ୍ନ ସ୍ଥାନରେ ଦୁଇଜଣଙ୍କର କେମେଷ୍ଟ୍ରି ଦେଖିବାକୁ ମିଳିଥାଏ । କେତେବେଳେ ତାଙ୍କ ବିଜ୍ଞାପନ ସାମ୍ନାକୁ ଆସିଥାଏ ତ । ଆଉ କେତେବେଳେ ଆଇପିଏଲ ମ୍ୟାଚରେ ଅନୁଷ୍କା, ବିରାଟଙ୍କୁ ଫ୍ଲାଇଂ କିସ୍ ଦେଉଥିବାର ନଜର ଆସିଥାନ୍ତି । ଅନ୍ୟ ଯୋଡିଙ୍କ ଅପେକ୍ଷା ଏହି ଦୁଇ ଜଣଙ୍କ ଯୋଡିକୁ ଲୋକେ ବେଶ୍ ପସନ୍ଦ କରୁଛନ୍ତି ।
