ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମ ଇଣ୍ଡଷ୍ଟ୍ରିରେ ଏଭଳି ଅନେକ ଯୋଡି ଅଛନ୍ତି ଯେଉଁମାନଙ୍କୁ ବାରମ୍ବାର ପରଦାରେ ଦେଖିବାକୁ ଫ୍ୟାନ୍ସମାନେ ପସନ୍ଦ କରିଥାନ୍ତି । ସେହି ଯୋଡି ମଧ୍ୟରୁ ଏକ ଯୋଡି ଅଛନ୍ତି ଯିଏ କି ଦର୍ଶକକୁ ଅନେକ ହିଟ୍ ଫିଲ୍ମ ଭେଟି ଦେଇ ସାରିଛନ୍ତି । ଲମ୍ବା ସମୟ ବ୍ୟବଧାନ ପରେ ଏହି ଚର୍ଚ୍ଚିତ ଯୋଡି ପୁଣି ଥରେ ପରଦାରେ ଏକାଠି ନଜର ଆସିବେ । ଏବେ ଫ୍ୟାନ୍ସମାନଙ୍କର ଦୀର୍ଘଦିନର ଅପେକ୍ଷାରେ ଅନ୍ତ ଘଟିବ । ଆଜ୍ଞା ହଁ ଆମେ କହୁଛୁ ଅଜୟ ଦେବଗନ ଏବଂ କାଜୋଲଙ୍କ ଯୋଡି ବିଷୟରେ । ଦୁହିଁଙ୍କର ଏକ ଫିଲ୍ମ ଆସୁଛି ଯ।ହାର ସୁଟିଂ ଆରମ୍ଭ ହୋଇ ସାରିଛି ।
ଫିଲ୍ମଟିର ନାଁ ରହିଛି ‘ତନାଜି’ । ଏଥିରେ କାଜୋଲ ଏବଂ ଅଜୟ ଦୁହେଁ ପତି-ପତ୍ନୀ ଭୂମିକାରେ ନଜର ଆସିବେ । ଏମାନଙ୍କ ବ୍ୟତୀତ ଅଭିନେତା ସୈଫ ଅଲ୍ଲୀ ଖାଁଙ୍କୁ ମଧ୍ୟ ଏଥିରେ ଖଳନାୟକ ଚରିତ୍ରରେ ଦେଖିବାକୁ ମିଳିବ । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଓମ୍ ରାୱତ ।
ଇଣ୍ଡଷ୍ଟ୍ରିରେ ଅଜୟ ଶେଷ ଥର ପାଇଁ ନଜର ଆସିଥିଲେ ଫିଲ୍ମ ‘ରେଡ୍’ରେ । ସେହିପରି କାଜୋଲଙ୍କ ଶେଷ ଫିଲ୍ମ ଥିଲା ‘ହେଲିକପ୍ଟର ଇଲା’ ।
