ମୁମ୍ବାଇ (ଏଟିଆର ବ୍ୟୁରୋ): ଅଭିନେତା ଅକ୍ଷୟ କୁମାରଙ୍କୁ ଗୁଡ୍ ନ୍ୟୁଜ୍ ମିଳିବ କି ନାହିଁ , ତାହା ତ ତାଙ୍କ ଫିଲ୍ମ ‘ଗୁଡ ନ୍ୟୁଜ୍’ ରିଲିଜ୍ ହେବା ପରେ ଜଣା ପଡିବ । କିନ୍ତୁ ଟେଲିଭିଜନ ଦର୍ଶକ ମାନଙ୍କ ପାଇଁ ଅକ୍ଷୟ କୁମାର ଏକ ଗୁଡ୍ ନ୍ୟୁଜ୍ ନେଇ ଆସୁଛନ୍ତି । ଆଜ୍ଞା ହଁ ଟେଲିଭିଜନର କୁକିଂ ସୋ’ ମାଷ୍ଟରସେଫ୍ ଇଣ୍ଡିଆରେ ଖୁବ୍ ଶୀଘ୍ର ଅକ୍ଷୟ କୁମାର ଫେରିବେ । ସ୍ୱାଦିଷ୍ଟ ଭୋଜନକୁ ନେଇ ଚଟପଟା କଥା କହୁଥିବାର ନଜର ଆସିବେ ଅକ୍ଷୟ ।
ପୁଣି ମାଷ୍ଟରସେଫ୍ ଇଣ୍ଡିଆର ୬ଷ୍ଠ ସିଜିନ୍ ଆରମ୍ଭ ହେବାକୁ ଯାଉଛି । ସୋ’ର ପ୍ରଥମ ସିଜିନ୍ କୁ ସଫଳ କରାଇଥିବା ସୁପରଷ୍ଟାର ଅକ୍ଷୟ କୁମାର ପୁଣି ଥରେ ୬ଷ୍ଠ ସିଜିନ୍ ରେ ସେଲିବ୍ରିଟି ଗେଷ୍ଟ ଭାବେ ନଜର ଆସିବେ । ସେହିପରି ଏହି ସିଜିନ୍ ର ଜଜ୍ ଭାବେ ସେଫ୍ ବିକାଶ ଖନ୍ନା,ରଣବୀର ବରାର ଏବଂ ବୀନିତ ଭାଟିଆଙ୍କୁ ଦେଖିବାକୁ ମିଳିବ ।
