ମୁମ୍ବାଇ (ଏଟିଆର ବ୍ୟୁରୋ): ଅକ୍ଷୟ କୁମାର ବଲିଉଡର ଜଣେ ଏଭଳି ଅଭିନେତା ଯିଏ ନିଜର ଷ୍ଟଣ୍ଟ ପାଇଁ ବେଶ୍ ଜଣା ଶୁଣା । ତାଙ୍କୁ ଷ୍ଟଣ୍ଟ ମ୍ୟାନ ବୋଲି ମଧ୍ୟ କୁହାଯାଏ । ଏହାସହିତ ତାଙ୍କର ଅଭିନୟ ପାଇଁ ଲୋକେ ବେଶ୍ ଫିଦା । ନିକଟରେ ଅକ୍ଷୟ ଏକ ୱେବ୍ ସିରିଜ୍ ର ଘୋଷଣା କରିବା ପାଇଁ ମୁମ୍ବାଇ ର ଏକ କଂସର୍ଟରେ ସାମିଲ ହୋଇଥିଲେ । ପ୍ରକୃତରେ ସେ ଏକ ୱେବ୍ ସିରିଜ୍ ରେ ଡେବ୍ୟୁ କରିବାକୁ ଯାଉଛନ୍ତି । ସେହି ୱେବସିରିଜ୍ ର ନାଁ ରହିଛି ‘ଦି ଏଣ୍ଡ’ । ଏହି ଅବସରରେ ଅକ୍ଷୟଙ୍କର ଏକ ଅଲଗା ରୂପ ଦେଖିବାକୁ ମିଳିଛି । ଆଜ୍ଞା ହଁ ସୋସିଆଲ ମିଡିଆରେ ଅକ୍ଷୟଙ୍କ ଏକ ଫଟୋ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ନିଜ ଦେହରେ ନିଆଁ ଲଗାଇ ର୍ୟାମ୍ପ ୱାକ୍ କରୁଥିବାର ନଜର ଆସୁଛନ୍ତି ।
ଅକ୍ଷୟ କୁମାରଙ୍କ ଏହି ଲୁକ୍ ଲୋକଙ୍କୁ ଆଶ୍ଚର୍ଯ୍ୟ କରିବା ସହ ତାଙ୍କ ଧମାକାଦାର୍ ଏଣ୍ଟ୍ରି ଫ୍ୟାନ୍ସଙ୍କୁ ଘାୟଲ କରିଛି । ଅକ୍ଷୟ ତାଙ୍କର ଏହି ଷ୍ଟଣ୍ଟ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ଏହାକୁ ଦେଖିବା ପରେ ତାଙ୍କ ପତ୍ନୀ ଟ୍ୱିଙ୍କଲ ଖାନାଙ୍କ ରିଆକ୍ସନ ସାମ୍ନାକୁ ଆସିଛି । ଟ୍ୱିଟରରେ ହିଁ ଟ୍ୱିଙ୍କଲ ଅକ୍ଷୟଙ୍କୁ ଧମକାଇଛନ୍ତି ।
ଅକ୍ଷୟଙ୍କ ଟ୍ୱିଟ୍ ପରେ ଟ୍ୱିଙ୍କଲ ଖାନା ତାଙ୍କ ଉପରେ ଭଡକି ଯାଇଛନ୍ତି । ଟ୍ୱିଟର ଯୋଗେ ହିଁ ଟ୍ୱିଙ୍କଲ ରାଗ ବାହାର କରିଛନ୍ତି ।
Crap! This is how I find out that you decided to set yourself on fire ! Come home and I am going to kill you-in case you do survive this! #GodHelpMe https://t.co/K7a7IbdvRN
— Twinkle Khanna (@mrsfunnybones) March 5, 2019
ଅକ୍ଷୟଙ୍କ ଡ୍ରେସରେ ଲାଗିଥିବା ନିଆଁକୁ ଦେଖି କିଛି ସମୟ ପାଇଁ ତାଙ୍କ ଫ୍ୟାନ୍ସଙ୍କ ନିଶ୍ୱାସ ଅଟକି ଯାଇଥିଲା । ଅକ୍ଷୟଙ୍କ ଏଭଳି ପରିସ୍ଥିତି ଦେଖି ଟ୍ୱିଙ୍କଲ ରାଗିବା ସ୍ୱଭାବିକ ।
