ମୁମ୍ବାଇ (ଏଟିଆର ବ୍ୟୁରୋ): ଫୋର୍ବ୍ସ ପକ୍ଷରୁ ୧୦୦ ଭାରତୀୟ ସେଲିବ୍ରିଟିଙ୍କ ତାଲିକା ଜାରି କରାଯାଇଛି । ଏହି ତାଲିକାର ଦ୍ୱିତୀୟ ସ୍ଥାନରେ ରହିଛନ୍ତି ବଲିଉଡର ଖିଲାଡୀ ଅକ୍ଷୟ କୁମାର । ୨୦୧୯ ମସିହା ଅକ୍ଷୟଙ୍କ ପାଇଁ ଖୁୁବ୍ ସାନ୍ଦାର ରହିଛି । ତାଙ୍କର ତିନୋଟି ଫିଲ୍ମ କେଶରୀ, ମିଶନ ମଙ୍ଗଳ ଏବଂ ହାଉସଫୁଲ୍ ୪ ହୋଇସାରିଥିବା ବେଳେ ଆଉ ଏକ ଫିଲ୍ମ ‘ଗୁଡ୍ ନ୍ୟୁଜ୍’ ରିଲିଜ୍ ଅପେକ୍ଷାରେ ରହିଛି ।
ମିଡିଆ ରିପୋର୍ଟ ମୁତାବକ, ଫୋର୍ବ୍ସ ତାଲିକା ୨୦୧୯ରେ ଅକ୍ଷୟଙ୍କ ସର୍ବମୋଟ ଆୟ ୨୯୩.୨୫ କୋଟି ରହିଛି, ଯାହା ଗତ ବର୍ଷ ମୁକାବିଲାର ୫୮.୫୧ ପ୍ରତିଶତ ଅଧିକ ରହିଛି । ସେହିପରି ଫୋର୍ବ୍ସ ତାଲିକାର ତୃତୀୟ ସ୍ଥାନରେ ସଲମାନ୍ ଖାଁ ଏବଂ ଦ୍ୱିତୀୟ ସ୍ଥାନରେ ବିରାଟ କୋହଲି ରହିଛନ୍ତି । ଗତବର୍ଷ ଏହି ତାଲିକାର ଟପ୍ ରେ ରହିଥିଲେ ସଲମାନ୍ ।
ଅପରପକ୍ଷେ ଫୋର୍ବ୍ସର ଟପ୍ ୧୦ ରେ ରହିଛନ୍ତି କିଙ୍ଗ୍ ଖାଁ । ତାଙ୍କର ସର୍ବମୋଟ ଆୟ ରହିଚି ୧୨୪.୩୮ କୋଟି । ଚଳିତ ବର୍ଷ ଶାହରୁଖ ଖାଁଙ୍କର କୌଣସି ଫିଲ୍ମ ରିଲିଜ୍ ହୋଇନାହିଁ । କିନ୍ତୁ ସେ ବିଜ୍ଞାପନ ଜରିଆରେ ଆୟ କରିଛନ୍ତି । ଏହାସହିତ ଦୀପିକା ପାଦୁକୋନ୍ ବି ତାଲିକାର ୧୦ ନମ୍ବରରେ ରହିଛନ୍ତି । ଦୀପିକାଙ୍କର ଫିଲ୍ମ ଛପାକ୍ ଜାନୁଆରୀ ମାସରେ ରିଲିଜ୍ ହେବାକୁ ଯାଉଛି ।
