ମୁମ୍ବାଇ (ଏଟିଆର ବ୍ୟୁରୋ): ଟୋକିଓ ଅଲମ୍ପିକରେ ଦମଦାର ପ୍ରଦର୍ଶନ କରି ସ୍ୱର୍ଣ୍ଣ ଜିତିଥିବା ନିରଜ ଚୋପ୍ରା ଏବେ ରାତାରାତି ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛନ୍ତି । ସାରା ଦେଶରେ ଏବେ ସୋସିଆଲ ମିଡିଆ ଠାରୁ ଆରମ୍ଭ କରି ସାଧାରଣ ଲୋକଙ୍କ ମୁହଁରେ ଏବେ ନିଜରଙ୍କ ପ୍ରସଂଶାର ଚର୍ଚ୍ଚା ଜୋର ଧରିଛି । ବଡବଡ ସେଲିବ୍ରେଟି ଠାରୁ ଆରମ୍ଭ କରି ବିଭିନ୍ନ ସିନେତାରକା ସମସ୍ତ ଏବେ ନିଜର ଶୁଭେଚ୍ଛାର ବାର୍ତ୍ତା ନିରଜକୁ ଦେବାରେ ଲାଗିପଡିଛନ୍ତି । ତେବେ ଏହିଭଳି ସମୟରେ ଖିଲାଡି କୁମାର ତଥା ବଲିଉଡ ସୁପରଷ୍ଟାର ଅକ୍ଷୟ କୁମାର ନିରଜଙ୍କୁ ନେଇ ସୋସିଆଲ ମିଡିଆରେ ଟ୍ରୋଲର ଶିକାର ହେଉଥିବା ଦେଖିବାକୁ ମିଳୁଛି । ସୋସିଆଲ ମିଡିଆରେ ଟ୍ରୋଲର୍ସ ଅକ୍ଷୟଙ୍କୁ ବିଭିନ୍ନ ମିମ୍ସ ଜରିଆରେ ଟ୍ରୋଲ କରୁଥିବା ଦେଖିବାକୁ ମିଳୁଛି । ତେବେ କଥାଟି କିଛି ଏହିଭଳି ରହିଛି ବିଗତ କିଛି ବର୍ଷ ହେବ ଖିଲାଡି କୁମାର ଲଗାତର ଭାବେ ବିଭିନ୍ନ ଦେଶାତ୍ମକ ଭିତ୍ତିକ ସିନେମା ସହ ବାୟୋପିକ ସିନେମା କରଥିବା ଦେଖିବାକୁ ମିଳୁଛି ।
ତେବେ ନିରଜଙ୍କ ଉପରେ ବାୟୋପିକ ହେବା ନେଇ ଚର୍ଚ୍ଚା ଜୋର ଧରିଥିବା ବେଳେ ଅକ୍ଷୟ ଏଥିରେ ଅଭିନୟ କରିବା ନେଇ ଚର୍ଚ୍ଚା ଜୋର ଧରିଛି । ସୋସିଆଲ ମିଡିଆରେ ଏହି ଖବର ଘୁରି ବୁଲୁଛି କି ନିରଜଙ୍କ ବାୟୋପିକ ଖୁବଶ୍ରୀର୍ଘ ନିର୍ମାଣ ହେବା ନେଇ ଅକ୍ଷୟ ଘୋଷଣା କରିପାରନ୍ତି । ଏହାସହ ନିରଜଙ୍କ ବାୟୋପିକ ରାଇଟ୍ସକୁ ଅକ୍ଷୟ କୁମାର କିଣିନେଇ୍ଥିବା ଚର୍ଚ୍ଚା ମଧ୍ୟ ଜୋର ଧରିଛି । ତେବେ ବାୟୋପିକ ନିର୍ମାଣ ହେବା ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିବା ପରେ ଏହାକୁ ନେଇ ବିଭିନ୍ନ ଟ୍ରୋଲର୍ସ ଅକ୍ଷୟଙ୍କୁ ମିମ୍ସ ଜରିଆରେ ଟ୍ରୋଲ କରିବା ଆରମ୍ଭ କରିଦେଇଛନ୍ତି ।
