ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀମାନେ ନିଜର ପ୍ରେମ ସମ୍ପର୍କକୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି । ଏବେ ବଲିଉଡ ଅଭିନେତ୍ରୀ ଆମି ଜ୍ୟାକସନ ତାଙ୍କ ବୟଫ୍ରେଣ୍ଡ ଜର୍ଜ ପାନାୟିଟୁଙ୍କ ସହିତ ଦୀର୍ଘ ଦିନ ହେବ ସମ୍ପର୍କରେ ଅଛନ୍ତି । ଏହାସହିତ ଦୁହେଁ ଦୁହିଁଙ୍କୁ ବିବାହ କରିବେ ବୋଲି ମଧ୍ୟ ଆଶା କରାଯାଉଛି । କିନ୍ତୁ ବାହାଘର ପୂର୍ବରୁ ଏମି ଜ୍ୟାକସନ ତାଙ୍କ ଗର୍ଭବତୀ ଖବର ଘୋଷଣା କରି ସମସ୍ତଙ୍କୁ ଚକିତ କରିଦେଇଛନ୍ତି ।
ଆମି ଜ୍ୟାକସନ୍ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ବୟଫ୍ରେଣ୍ଡ ସହିତ ଏକ ଫଟୋ ସେୟାର କରିଛନ୍ତି । ଏହାସହିତ ଏହି ଫଟୋରେ ସେ ଏକ ସୁନ୍ଦର କ୍ୟାପସନ୍ ମଧ୍ୟ ଦେଇଛନ୍ତି । ଏଥିରେ ଆମି ଜ୍ୟାକସନଙ୍କ ବେବି ବମ୍ପ ନଜର ଆସୁଛି ।
ମାର୍ଚ୍ଚ ୩୧ ରେ ୟୁକେରେ ମାତୃ ଦିବସ ପାଳିତ ହୁଏ । ଏହି ଅବସରରେ ଆମି ଏହି ପୋଷ୍ଟ ସେୟାର କରିଛନ୍ତି । ଏହି ପୋଷ୍ଟରେ ସେ ଲେଖିଛନ୍ତି କି ଆଜି ମାତୃ ଦିବସ ଏବଂ ଏହାଠାରୁ ଅଧିକ ଭଲ ଉତ୍ସବ ହୋଇ ପାରିବ ନାହିଁ । ମୁଁ ତତେ ଦୁନିଆରୁ ଅଧିକ ଭଲ ପାଏ । ଏହି ଭଲ ପାଇବା ସମ୍ପୂର୍ଣ୍ଣ ସତ୍ୟ । ମୁଁ ତୋର ଆସିବାକୁ ଅପେକ୍ଷା କରି ପାରିବି ନାହିଁ । ମୋ ଛୋଟ ଲିବ୍ରା ।
ଆମି ଜ୍ୟାକସନ୍ ଏବଂ ଜର୍ଜ ପାନାୟିଟୁ ଙ୍କ ରୋମାଣ୍ଟିକ କେମେଷ୍ଟ୍ରୀ ଅନେକ ସମୟରେ ସୋସିଆଲ ମିଡିଆରେ ଦେଖିବାକୁ ମିଳିଥାଏ । ଦୁହେଁ ଦୁହିଁଙ୍କ ସମୟ ବିତାଉ ଥିବାର ନଜର ଆସିଥାନ୍ତି ।
