ମୁମ୍ବାଇ (ଏଟିଆର ବ୍ୟୁରୋ): ଟେଲିଭିଜନ ଇଣ୍ଡଷ୍ଟ୍ରୀ ଫ୍ୟାନ୍ସମାନଙ୍କ ପାଇଁ ଖୁସୀ ଖବର । ଅଭିନେତ୍ରୀ ଅନିତା ହସନନ୍ଦାନୀ ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି । ବିବାହର ଆଠ ବର୍ଷ ପରେ ଅନିତାଙ୍କ ଘରକୁ ଏକ କୁନି ଅତିଥି ଆସିଛି । ଏନେଇ ଅନିତାଙ୍କ ପତି ରୋହିତ ଏକ ଫଟୋ ସେୟାର କରି ଲେଖଛନ୍ତି କି, ଓଃ ବଏ! ଏହି ଫଟୋରେ ରୋହିତ ଅନିତାଙ୍କ ଗାଲକୁ କିସ୍ କରୁଥିବାର ନଜର ଆସୁଛନ୍ତି ଏବଂ ଅନିତା ତାଙ୍କ ବେବି ବମ୍ପ ସହିତ ଶୋଇଛନ୍ତି । ଏହାସହିତ ତାରିଖ ୯ ଫେବୃଆରୀ ୨୦୨୧ ଲେଖାହୋଇଛି ।
ରୋହିତଙ୍କ ଏହି ପୋଷ୍ଟରେ ଅନେକ ଫିଲ୍ମ ଏବଂ ଟିଭି ସେଲିବ୍ରିଟି କମେଣ୍ଟରେ ତାଙ୍କୁ ଶୁଭକାମନା ଦେଇଛନ୍ତି ।
୨୦୨୦ ମସିହା ଅକ୍ଟୋବର ୧୦ ତାରିଖରେ ଅନିତା ତାଙ୍କ ପ୍ରେଗନ୍ସି ବିଷୟରେ ଘୋଷଣା କରିଥିଲେ । ସେବେଠାରୁ ଉଭୟ ପତି ପତ୍ନୀ ତାଙ୍କ ସନ୍ତାନକୁ ସ୍ୱାଗତ କରିବା ପାଇଁ ଖୁବ୍ ଉତ୍ସାହିତ ରହିଛନ୍ତି । ଏହାସହିତ ସୋସିଆଲ ମିଡିଆରେ ସର୍ବଦା ସକ୍ରିୟ ରହିଥାନ୍ତି ଅନିତା ଏବଂ ତାଙ୍କ ଫ୍ୟାନ୍ସମାନଙ୍କ ସହିତ ସବୁକିଛି ସେୟାର କରିଥାନ୍ତି ।
