ମୁମ୍ବାଇ (ଏଟିଆର ବ୍ୟୁରୋ): ଟେଲିଭିଜନ ଅଭିନେତ୍ରୀ ଅଙ୍କିତା ଲୋଖଣ୍ଡେ ଏବେ ତାଙ୍କ ବିବାହ ପ୍ରସ୍ତୁତିକୁ ନେଇ ବ୍ୟସ୍ତ ଅଛନ୍ତି । ଖୁବ୍ ଶୀଘ୍ର ବିବାହ ବନ୍ଧନରେ ବାନ୍ଧି ହେବେ ଅଙ୍କିତା । ବଏଫ୍ରେଣ୍ଡ ଭିକି ଜୈନଙ୍କୁ ବିବାହ କରିବେ ଅଙ୍କିତା । ସେ ତାଙ୍କ ଡେଷ୍ଟିନେସନ ୱେଡିଂର ସଂକେତ ମଧ୍ୟ ଦେଇ ସାରିଛନ୍ତି । ବିବାହ ଖବର ମଧ୍ୟରେ ବ୍ରାଇଡ ଟୁ ବି କୁ ଏବେ ଉପହାର ମିଳିବା ଆରମ୍ଭ ହୋଇଗଲାଣି । ଏନେଇ ଅଙ୍କିତା ନିଜେ ଫଟୋ ସେୟାର କରିଛନ୍ତି ।
ଅଙ୍କିତା ସେୟାର କରିଥିବା ଫଟୋରେ ତିନି ହଳ ଚପଲ ଦେଖିବାକୁ ମିଳୁଛି । ସେଥିରୁ ଗୋଟେ ହଳ ଚପଲରେ ବ୍ରାଇଡ ଟୁ ବି ଲେଖା ଯାଇଛି । ଏହାସହିତ ପାଖରେ ରଖାଯାଇଥିବା ବକ୍ସରେ ମଧ୍ୟ ହାପି ବ୍ରାଇଡ ବୋଲି ଲେଖା ଯାଇଛି ।
ସୂଚନାଯୋଗ୍ୟ, ପାଖାପାଖି ୩ ବର୍ଷ ହେବ ଦୁହେଁ ଦୁହିଁଙ୍କୁ ଡେଟ୍ କରି ଆସୁଛନ୍ତି ଭିକ୍କି ଏବଂ ଅଙ୍କିତା ।
