ମୁମ୍ବାଇ (ଏଟିଆର ବ୍ୟୁରୋ): ଅଭିନେତ୍ରୀ ଅଙ୍କିତା ଲୋଖଣ୍ଡେ ଆଜିକାଲି ତାଙ୍କ ଫିଲ୍ମ ମଣିକର୍ଣ୍ଣିକାର ସଫଳତାକୁ ନେଇ ଖୁବ୍ ଉପଭୋଗ କରୁଛନ୍ତି । ହୁଏତ ଫିଲ୍ମରେ ଅଙ୍କିତାଙ୍କର ଛୋଟିଆ ଭୂମିକା ଥିଲା କିନ୍ତୁ ସେ ତାଙ୍କ ଅଭିନୟରେ ଲୋକଙ୍କ ହୃଦୟକୁ ଜିତି ପାରିଛନ୍ତି । ନିକଟରେ ଅଙ୍କିତାଙ୍କର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେବାରେ ଲାଗିଛି । ଯେଉଁଥିରେ ଅଙ୍କିତା ଖୁଲମ-ଖଲା କିସ୍ କରୁଥିବାର ନଜର ଆସିଛନ୍ତି ।
ପ୍ରକୃତରେ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓଟିରେ ଅଙ୍କିତା ତାଙ୍କ ବୟଫ୍ରେଣ୍ଡ ବିକି ଜୈନଙ୍କ ସହିତ କୌଣସି ବାହାଘର ପାର୍ଟିରେ ଯାଇଥିବାର ଦେଖିବାକୁ ମିଳିଛି । ଏଥିରେ ଅଙ୍କିତା ଏବଂ ବିକି ଡ୍ୟାନ୍ସ କରୁଛନ୍ତି । ଏହାସହିତ ଡ୍ୟାନ୍ସ କରୁ କରୁ ଅଙ୍କିତା ବିକିଙ୍କୁ କିସ୍ କରୁଥିବାର ନଜର ଆସିଛନ୍ତି । ଭିଡିଓରେ ଅଙ୍କିତା ଏକ ଧଳା ରଙ୍ଗର ଶାଢୀ ପିନ୍ଧି ଗର୍ଜିୟସ ଲୁକ୍ ରେ ଅଛନ୍ତି । ସେପଟେ ତାଙ୍କ ବୟଫ୍ରେଣ୍ଡ ବିକି ମଧ୍ୟ ଧଳା ଆଉଟଫିଟ୍ ରେ ନଜର ଆସିଛନ୍ତି । ଦୁହିଁଙ୍କ କେମେଷ୍ଟ୍ରି ମଧ୍ୟ ବହୁତ ଭଲ ରହିଛି ।
ପୂର୍ବରୁ ଅଭିନେତା ସୁଶାନ୍ତ ସିଂ ରାଜପୁତଙ୍କ ସହିତ ଦୀର୍ଘ ଦିନ ଧରି ସଂପର୍କରେ ରହିଥିଲେ ଅଙ୍କିତା । ଦୁହେଁ ଏକାଠି ଟିଭି ସିରିଏଲ ପବିତ୍ର ରିସ୍ତା ରେ ନିଜ ଅଭିନୟ କ୍ୟାରିୟର ଅ।।ରମ୍ଭ କରିଥିଲେ । ଦୁହିଁଙ୍କ ମଧ୍ୟରେ ସଂପର୍କ ଏହି ସିରିଏଲ ମାଧ୍ୟମରେ ହିଁ ଆରମ୍ଭ ହୋଇଥିଲା । ଦୁହିଁଙ୍କ ଯୋଡୀକୁ ଦର୍ଶକ ଖୁବ୍ ପସନ୍ଦ ମଧ୍ୟ କରୁଥିଲେ । ଅଭିନୟ ଶିଖିବା ପାଇଁ ସୁଶାନ୍ତ ସିରିଏଲ ଅଧାରୁ ଛାଡିଦେଇଥିଲେ । ଏହାପରେ ଦୁହିଁଙ୍କ ମଧ୍ୟରେ ଦୂରତା ଦେଖାଯିବା ସହ ବ୍ରେକ୍ ଅପ୍ ହୋଇ ଯାଇଥିଲା ।
