ନୂଆଦିଲ୍ଲୀ (ଏଟିଆର ବ୍ୟୁରୋ): ଦକ୍ଷିଣ ଭାରତୀୟ ସୁପରଷ୍ଟାର ପ୍ରଭାସଙ୍କ ନାମରେ ଆଉ ଏକ ସଫଳତା ଯୋଡି ହୋଇଛି । ୨୦୨୧ ର ଦକ୍ଷିଣ ଏସୀୟ ସେଲିବ୍ରିଟି ଭାବରେ ପ୍ରଭାସଙ୍କୁ ଅନ୍ତର୍ଭୁକ୍ତ କରାଯାଇଛି । ବ୍ରିଟେନର ଇଷ୍ଟର୍ନ ଆଇ ସାପ୍ତାହିକ ଖବରକାଗଜ ଦ୍ୱାରା ଏକ ତାଲିକା ପ୍ରକାଶ ପାଇଛି, ଯେଉଁଥିରେ ବିଶ୍ୱର ୫୦ ଏସୀୟ ସେଲିବ୍ରିଟିଙ୍କ ନାମ ଅନ୍ତର୍ଭୁକ୍ତ । ଏହି ତାଲିକାରେ ପ୍ରଭାସଙ୍କୁ ଏକ ନମ୍ବର ଦକ୍ଷିଣ ଏସୀୟ ସେଲିବ୍ରିଟି ବୋଲି କୁହାଯାଇଛି। ପ୍ରଭାସ ଅନେକ ହଲିଉଡ ଆଇକନ୍, ମ୍ୟୁଜିକ୍ ଇଣ୍ଡଷ୍ଟ୍ରି, ଟେଲିଭିଜନ୍, ସାହିତ୍ୟ ଏବଂ ସୋସିଆଲ୍ ମିଡିଆ ତାରକାଙ୍କୁ ପଛରେ ପକାଇ ନିଜ ପାଇଁ ଏକ ସ୍ଥାନ ତିଆରି କରିଛନ୍ତି । ଏଥିସହିତ ପ୍ରିୟଙ୍କା ଚୋପ୍ରା ଏହି ତାଲିକାରେ ତୃତୀୟ ସ୍ଥାନ ଅଧିକାର କରିଛନ୍ତି।
ସୂଚନାଯୋଗ୍ୟ, ଏନେଇ ପ୍ରଭାସଙ୍କ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ । ବର୍ତ୍ତମାନ ପ୍ରଭାସ ତାଙ୍କ ଅପକମିଂ ଫିଲ୍ମ ରାଧେ ଶ୍ୟାମ, ଆଦିପୁରୁଷ, ସାଲାର ଏବଂ ସ୍ପିରିଟରେ ବ୍ୟସ୍ତ ଅଛନ୍ତି ।
