ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡର ବର୍ଷିଆନ ଅଭିନେତା ଦିଲ୍ଲୀପ କୁମାରଙ୍କ ପରଲୋକ ଘଟିଛି । ନିଶ୍ୱାସ ପ୍ରଶ୍ୱାସ ସମ୍ବନ୍ଧୀୟ ଚିକିତ୍ସା ପାଇଁ ଗତମାସରେ ମୁମ୍ବାଇର ହିନ୍ଦୁଜା ହସ୍ପିଟାଲରେ ଚିିକିତ୍ସିତ ହେଉଥିଲେ । କିନ୍ତୁ ଆଜି ସକାଳୁ ତାଙ୍କର ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାଙ୍କୁ ୯୮ ବର୍ଷ ବୟସ ହୋଇଥିଲା । ଦିଲ୍ଲୀପଙ୍କ ବିୟୋଗ ଖବରରେ ଏବେ ବଲିଉଡ ସମେତ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି ।
ସୂଚନାଯୋଗ୍ୟ, ଦିଲ୍ଲୀପ କୁମାରଙ୍କୁ ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେବା ହେତୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେହି ସମୟରେ ତାଙ୍କ ଫୁସଫୁସ ବାହାରେ ତରଳ ପଦାର୍ଥ ଏକତ୍ର ହୋଇଯାଇଥିଲା, ଯାହାକୁ ଡାକ୍ତରମାନେ ସଖଫଳତା ପୂର୍ବକ ବାହାର କରିଦେଇଥିଲେ । ଏହାପରେ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା । ଦିଲ୍ଲୀପଙ୍କ ସହିତ ତାଙ୍କ ପତ୍ନୀ ସାୟରା ବାନୁ ସବୁବେଳେ ରହିବା ସହିତ ତାଙ୍କ ଧ୍ୟାନ ରଖୁଥିଲେ ଏବଂ ସେ ଶୀଘ୍ର ଭଲ ହେବା ନିମନ୍ତେ ଭଗବାନଙ୍କ ପାଖରେ ପାର୍ଥନା କରିବା ପାଇଁ ସମସ୍ତଙ୍କୁ ବାରମ୍ବାର ନିବେଦନ କରୁଥିଲେ ।
