ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ତାରକା ଏବଂ କ୍ରିକେଟର୍ସଙ୍କ ସଂପର୍କ ବହୁ ପୁରୁଣା । ବଲିଉଡର ଅନେକ ହିଟ୍ ଅଭିନେତ୍ରୀମାନେ କ୍ରିିକେଟରଙ୍କ ସହିତ ସଂପର୍କରେ ଥିବା କଥା ଆପଣମାନେ ଜାଣିଥିବେ । କିନ୍ତୁ ଆଜି ଆମେ ଆପଣଙ୍କ ଯେଉଁ ଅଭିନେତ୍ରୀଙ୍କ ବିଷୟରେ କହିବାକୁ ଯାଉଛୁ, ତାଙ୍କ ଆଫେୟାର କୌଣସି ଭାରତୀୟ କ୍ରିକେଟରଙ୍କ ସହିତ ନୁହେଁ ବରଂ ୱେଷ୍ଟଇଣ୍ଡିଜର ଏକ ଧୁରନ୍ଦର କ୍ରିକେଟରଙ୍କ ସହିତ ରହିଛି ।
ଆଜ୍ଞା ହଁ ୮୦ ଦଶକର ସେହି ଚର୍ଚ୍ଚିତ ଅଭିନେତ୍ରୀ ହେଉଛନ୍ତି ନିନା ଗୁପ୍ତା । ନିନା ୧୯୮୨ରେ ବଲିଉଡରେ ନିଜର ଫିଲ୍ମ କ୍ୟାରିୟର ଆରମ୍ଭ କରିଥିଲେ । ଏହାପରେ ସେ ବଲିଉଡର ଅନେକ ହିଟ୍ ଫିଲ୍ମରେ କାମ କରିଥିଲେ । ଏହାସହିତ ନିନା ବଲିଉଡର ନାମୀ ଦାମୀ ଅଭିନେତାଙ୍କ ସହ କାମ କରି ସାରିଛନ୍ତି ।
କିନ୍ତୁ ନିନା ବଲିଉଡକୁ ଆସିବା ପୂର୍ବରୁ ଖୁବ୍ ଚର୍ଚ୍ଚାରେ ରହିଥିଲେ । ପ୍ରକୃତରେ ସେ ୱେଷ୍ଟଇଣ୍ଡିଜର ମଶୁର କ୍ରିକେଟର ବିବିୟାନ ରିଚାର୍ଡସଙ୍କ ସହିତ ଲିଭଇନ୍ ରେ ରହିଥିଲେ । ୮୦ ଦଶକରେ ଲିଭଇନ୍ରେ ରହିବା କୌଣସି ସାଧାରଣ କଥା ନୁହେଁ । ସେଥିପାଇଁ ସେ ବହୁତ ଚର୍ଚ୍ଚାରେ ରହିଥିଲେ ।
ସବୁଠାରୁ ବଡ କଥା ହେଲା ସେ ବିବାହ କରି ନାହାଁନ୍ତି । କିନ୍ତୁ ତାଙ୍କର ଏକ ଝିଅ ଅଛି । ଯାହାର ନାଁ ହେଉଛି ମସାବା ରିଚାର୍ଡସ । ସେ ବଲିଉଡ ଇଣ୍ଡଷ୍ଟ୍ରିରେ ଫ୍ୟାସନ ଡିଜାଇନର କାମ କରୁଛନ୍ତି ।
