ମୁମ୍ବାଇ (ଏଟିଆର ବ୍ୟୁରୋ):ବଲିଉଡ ଫିଲ୍ମ ‘student of the year-2’ଦେଖିବା ପାଇଁ ଦର୍ଶକମାନେ ଖୁବ୍ ଉତ୍ସାହର ସହ ଅନେଇ ବସିଛନ୍ତି । ପ୍ରଥମେ ଫିଲ୍ମଟିର ପୋଷ୍ଟର ରିଲିଜ୍ ହେବା ପରେ ଏବେ ଏହାର ମୋଶନ ପୋଷ୍ଟା ରିଲିଜ୍ ହୋଇ ଯାଇଛି ।
ଧର୍ମା ପ୍ରଡକ୍ସନ ବ୍ୟାନରରେ ନିର୍ମିତ ଏହି ଫିଲ୍ମର ନୂଆ ମୋଶନ ପୋଷ୍ଟର ରିଲିଜ୍ ହେବା ପରେ, ଟାଇଗର ଶ୍ରଫଙ୍କର ଫ୍ୟାନ୍ସମାନଙ୍କ ମଧ୍ୟରେ ଏହି ଫିଲ୍ମଟିକୁ ଦେଖିବା ପାଇଁ ଆଗ୍ରହ ବଢି ଯାଇଛି । ଏହି ପୋଷ୍ଟରରେ ତିନି ଜଣ ମୁଖ୍ୟ କଳାକାର ତଥା ଟାଇଗର ଶ୍ରଫ୍, ତାରା ସୁତାରିଆ ଏବଂ ଅନନ୍ୟା ପାଣ୍ଡେ ଖୁବ୍ ବିନ୍ଦାସ ଲୁକ୍ ରେ ନଜର ଆସିଛନ୍ତି ।
ଏହି ଫିଲ୍ମରେ ଟାଇଗର ଶ୍ରଫଙ୍କୁ ଛାଡିଦେଲେ ଅନ୍ୟ ଦୁଇ ଜଣ ନୂତନ କଳାକାରଙ୍କୁ ଦେଖିବାକୁ ପାଇବେ ଦର୍ଶକ । ଏହି ଫିଲ୍ମଟି ହେଉଛି ୨୦୧୨ରେ ରିଲିଜ୍ ହୋଇଥିବା ‘student of the year’ ର ଫ୍ରାଞ୍ଚାଇଜ୍ । ଏହାର ନିର୍ଦ୍ଦେଶନା ଦେଇଛନ୍ତି ପୁନୀତ ମଲହୋତ୍ରା । ଶୁଣିବାକୁ ମିଳୁଛି ଯେ ଏହି ଫିଲ୍ମରେ ବରୁଣ ଧୱନ ଏବଂ ସାଦ୍ଧାର୍ଥ ମଲହୋତ୍ରା ଏହି ଫିଲ୍ମର କ୍ୟାମିଓ କରିବେ ।
ସୂଚନାନୁଯାୟୀ, ଫିଲ୍ମ ‘student of the year’ରେ ବରୁଣ ଧୱନ, ସିଦ୍ଧାର୍ଥ ମଲହୋତ୍ର ଏବଂ ଆଲିଆ ଭଟ୍ଟ ପ୍ରଥମ ଥର ପାଇଁ ଏଂଟ୍ରି କରିଥିଲେ । ଏବଂ ତାଙ୍କର ଅଭିନୟକୁ ଦର୍ଶକ ମାନେ ବହୁତ ପସନ୍ଦ କରିଥିଲେ ।
