ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ସୈଫ ଅଲ୍ଲୀ ଖାଁ ଏବଂ ଅଭିନେତ୍ରୀ ରାଣୀ ମୁଖାର୍ଜୀ ଅଭିନୀତ ଫିଲ୍ମ ‘ବଣ୍ଟି ଔର ବବଲୀ ୨’ ର ଟ୍ରେଲର ରିଲିଜ୍ ହୋଇଯାଇଛି । ୩ ମିନିଟ୍ ୧୧ ସେକେଣ୍ଡର ଏହି ଟ୍ରେଲରକୁ ଦେଖିଲେ ଫିଲ୍ମର କାହାଣୀ ବିଷୟରେ ଜାଣିପାରିବେ । ଏହି ଫିଲ୍ମଟି ୨୦୦୫ ମସିହାରେ ରିଲିଜ୍ ହୋଇଥିବା ଅଭିଶେକ ବଚ୍ଚନ ଏବଂ ରାଣୀ ମୁଖାର୍ଜୀଙ୍କ ଫିଲ୍ମ ବଣ୍ଟି ଔର ବବଲୀ ର ସିକ୍ୱଲ । ଏଥରକ ବଣ୍ଟି ଔର ବବଲୀ ୨ ରେ ଅଭିଶେକଙ୍କ ସ୍ଥାନରେ ସୈଫ ଅଲ୍ଲୀ ଖାଁଙ୍କୁ ଦେଖିବାକୁ ମିଳିଛି । ଫିଲ୍ମର ଟ୍ରେଲରରେ ସୈଫଙ୍କ ଜବରଦସ୍ତ ଅନ୍ଦାଜ ଦେଖିବାକୁ ମିଳୁଛି ।
ୟଶ ରାଜ ବ୍ୟାନରେ ନିର୍ମାଣ ହୋଇଥିବା ବଣ୍ଟି ଔର ବବଲୀ ୨ ରେ ଦୁଇଟି ଯୋଡିକୁ ଦେଖିବାକୁ ମିଳୁଛି । ଗୋଟେ ଯୋଡି ସୈଫ ଏବଂ ରାଣୀ ହୋଇଥିବା ବେଳେ ଅନ୍ୟ ଯୋଡିଟି ହେଉଛନ୍ତି ସିଦ୍ଧାନ୍ତ ଚର୍ତୁବେଦୀ ଏବଂ ଶରବରୀ ।
