ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମ ଇଣ୍ଡଷ୍ଟ୍ରୀ ଧୀରେ ଧୀରେ ଟ୍ରାକକୁ ଫେରୁଥିବା ବେଳେ ଏହାରି ଭିତରେ ଏବେ ପୁଣି ଦେଶରେ ମାତିକି କରୋନା କୋପ । ଏହାକୁ ଦୃଷ୍ଟିରେ ରଖି ମୁମ୍ବାଇ ସମେତ ଦିଲ୍ଲୀରେ ନାଇଟ କର୍ଫ୍ୟୁ ଜାରି କରାଯାଇଛି । ଏଭଳି ସ୍ଥିତିରେ ଫିଲ୍ମ ରିଲିଜ୍ କୁ ନେଇ ନିର୍ମାତା ଏବଂ ନିର୍ଦ୍ଦେଶକ ଚିନ୍ତାରେ । ସେହିପରି ଅମିତାଭ ବଚ୍ଚନ ଏବଂ ଇମ୍ରାନ ହାସମୀଙ୍କ ଫିଲ୍ମ ‘ଚେହରେ’ ର ରିଲିଜ୍ ତାରିଖକୁ ଘୁଞ୍ଚାଇ ଦିଆଯାଇଛି ।
ଏପ୍ରିଲ ୯ ରେ ଫିଲ୍ମ ‘ଚେହରେ’ ରିଲିଜ୍ ପାଇଁ ଘୋଷଣା କରାଯାଇଥିଲା । କିନ୍ତୁ କରୋନା ସଂକଟକୁ ଦୃଷ୍ଟିରେ ରଖି ଏହାକୁ ଘୁଞ୍ଚାଇ ଦିଆଯାଇଛି । ମୁମ୍ବାଇରେ ସଂକ୍ରମିତଙ୍କ ସଂଖ୍ୟା ଅଧିକ ବଢିବା ଯୋଗୁଁ ଫିଲ୍ମ ନିର୍ଦ୍ଦେଶକ ରୁମୀ ଜାଫରୀ ବମ୍ବେ ଟାଇମ୍ସକୁ ସାକ୍ଷତକରି କହିଛନ୍ତି କି, ସର୍ବପ୍ରଥମେ ସୁରକ୍ଷା ଆସୁଛି । ଯେଉଁଟି ସପିଙ୍ଗ ମଲ ଏବଂ ସିନେମାହଲ ବନ୍ଦ ହୋଇଯାଉଛି । ସେହି ସମୟରେ ଫିଲ୍ମ ରିଲିଜ୍ କରିବା କଣ ଠିକ ହେବ । କିଛି ରାଜ୍ୟରେ ନାଇଟ କର୍ଫ୍ୟୁ ମଧ୍ୟ ଜାରି କରାଯାଇଛି ।
ସେ ଆଗକୁ ମଧ୍ୟ କହିଛନ୍ତି କି, ଫିଲ୍ମର ଟ୍ରିଜର ଏବଂ ଟ୍ରେଲରକୁ ଭଲ ପ୍ରତିକ୍ରିୟା ମିଳିଛି । ଏହି ଫିଲ୍ମରେ ଅମିତାଭ ବଚ୍ଚନଙ୍କୁ ଖୁବ୍ ପ୍ରଶଂସା କରୁଛନ୍ତି ଲୋକେ । ବିଗ୍ ବିଙ୍କ ଏହି ସାନ୍ଦାର ଫିଲ୍ମ ପାଇଁ ଆମକୁ କିଛି ସମୟ ଅପେକ୍ଷା କରିବାକୁ ହେବ । ଏହା ଉପରେ ନିର୍ମାତା ହିଁ ଅନ୍ତିମ ନିଷ୍ପତି ନେବେ । ଆମେ ନିଷ୍ୱତି କରିଛୁ କି ଯଦି ଫିଲ୍ମ ରିଲିଜ୍ କରାଯାଏ ତେବେ ଥିଏଟରରେ ହିଁ କରାଯିବ ।
