ନୂଆଦିଲ୍ଲୀ (ଏଟିଆର ବ୍ୟୁରୋ): ଅମିତାଭ ବଚ୍ଚନ ଏବଂ ଇମରାନ ହାସମିଙ୍କ ଥ୍ରିଲର ଫିଲ୍ମ ‘ଚେହରେ ’ ର ଅଫିସିଆଲ ପୋଷ୍ଟରରେ ଅମିତାଭଙ୍କ ପରେ ଏବେ ଇମ୍ରାନଙ୍କ ଲୁକ୍ସ ରିଭିଲ୍ ହୋଇଛି । ଏହାର ପୋଷ୍ଟର ଇମ୍ରାନ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି ।
ଏହା ହେଉଛି ଏକ ସସପେନ୍ସ- ଥ୍ରିଲର ଫିଲ୍ମ । ଫିଲ୍ମଟିକୁ ନିର୍ଦ୍ଦେଶନା ଦେଇଛନ୍ତି ରୁମୀ ଜାଫର । ଚଳିତମାସ ୧୮ ତାରିଖରେ ଫିଲ୍ମର ଟ୍ରେଲର ରିଲିଜ୍ ହେବ । ପୂର୍ବରୁ ଫିଲ୍ମର ଟିଜର ରିଲିଜ୍ ହୋଇସାରିଛି । ଯାହାକୁ ଦର୍ଶକ ଖୁବ୍ ପସନ୍ଦ ମଧ୍ୟ କରିଥିଲେ । ସେହିପରି ଏପ୍ରିଲ ୯ ତାରିଖରେ ଫିଲ୍ମଟି ସିନେମାହଲରେ ରିଲିଜ୍ ହେବ ।
ଏହାପୂର୍ବରୁ ସୋମବାର ଅମିତାଭ ବଚ୍ଚନଙ୍କ ଲୁକ୍ସ ର ଅଫିସିଆଲ ପୋଷ୍ଟର ରିଲିଜ୍ କରାଯାଇଥିଲା । ଯେଉଁଥିରେ ଅମିତାଭ ସମ୍ପୂର୍ଣ୍ଣ ନୂଆ ଅନ୍ଦାଜରେ ନଜର ଆସୁଛନ୍ତି । ଏବେ ପୁଣି ଇମ୍ରାନଙ୍କ ପୋଷ୍ଟର ରିଲିଜ୍ ହେବା ପରେ ସ୍ପଷ୍ଟ ହେଉଛି କି ଅମିତାଭ ଏବଂ ଇମ୍ରାନ ମୁହାଁ ମୁହିଁ ହୋଇ ପାରନ୍ତି । ଉଭୟଙ୍କ ମଧ୍ୟରେ ବଡ ଟକ୍କର ହୋଇପାରେ ।
