ମୁମ୍ବାଇ (ଏଟିଆର ବ୍ୟୁରୋ):ବଲିଉଡର ବେଶ୍ ଜଣାଶୁଣା ଅଭିନେତା ଚଙ୍କି ପାଣ୍ଡେଙ୍କ ପୁତୁରା ଅହାନ ପାଣ୍ଡେ ଖୁବ୍ ଶୀଘ୍ର ବଲିଉଡରେ ଏଣ୍ଟ୍ରି କରିବାକୁ ଯାଉଛନ୍ତି । ଏବଂ ଚଙ୍କି ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେ ମଧ୍ୟ କରଣ ଜୋହରଙ୍କ ଫିଲ୍ମ ‘ଷ୍ଟୁଡେଣ୍ଟ ଅଫ ଦି ଇୟର-୨’ରେ ଡେବ୍ୟୁ କରିବାକୁ ଯାଉଛନ୍ତି ।ଚଙ୍କିଙ୍କ ଝିଅ ପରେ ପରେ ପୁତୁରା ମଧ୍ୟ ବଲିଉଡରେ ନିଜର ଜଲୱା ଦେଖାଇବା ପାଇଁ ପ୍ରସ୍ତୁତ ହୋଇଗଲେଣି ବୋଲି ଶୁଣିବାକୁ ମିଳୁଛି ।
ଚଙ୍କି ପାଣ୍ଡେଙ୍କ କହିବାନୁଯାୟୀ, ‘ଅହାନ ମୋ ପୁଅ ଭଳି । ତାଙ୍କର ଇଂଷ୍ଟାଗ୍ରାମ ଏବଂ ଟ୍ୱିଟର ପେଜରେ ୟୁଜର୍ସ ତାଙ୍କୁ ବେଶ୍ ପସନ୍ଦ କରନ୍ତି । ମୁଁ ଜୁଆଡେ ବି ଯାଏ ଝିଅମାନେ ମୋତେ ଅହାନଙ୍କ ବିଷୟରେ ପଚାରିଥାନ୍ତି । ଏବଂ ସେ ଖୁବ୍ ପରିଶ୍ରମୀ । ହୁଏତଃ ସେ ୟଶରାଜ ବ୍ୟାନରରେ କାମ କରିପାରନ୍ତି । କିନ୍ତୁ ଏନେଇ କୌଣସି ସ୍ପଷ୍ଟ ହୋଇ ନାହିଁ । ବହୁତ ଶୀଘ୍ର ତାଙ୍କର ଆଗାମୀ ଫିଲ୍ମ ବିଷୟରେ ଘୋଷଣା କରାଯିବ’ ।
