ନୂଆଦିଲ୍ଲୀ (ଏଟିଆର ବ୍ୟୁରୋ): ମୁଣ୍ଡ ଉପରେ ଲୋକସଭା ନିର୍ବାଚନ । ଇତି ମଧ୍ୟରେ ରାଜନୈତିକ ମାହୋଲ ପୂରା ସରଗରମ ହୋଇ ରହିଛି । କେଉଁ ଦଳ ବିଜୟୀ ହେବ ସେନେଇ ଚର୍ଚ୍ଚା ଜୋର ଧରିଛି । ଗୋଟେ ପଟେ ଦଳ ପକ୍ଷରୁ ରୁଟି ଶେକା ଯାଉଥିବା ବେଳେ ଅନ୍ୟପଟେ କମେଡିଆନ୍ ସୁନୀଲ ଗ୍ରୋବର ଏକ ଅଜବ ସର୍ତ୍ତ ରଖିଛନ୍ତି ।
ସୁନୀଲ ଗ୍ରୋବର ସର୍ତ୍ତ ରଖିଛନ୍ତି କି, ‘ହୋଲି ଶେଷ! ୟାର ବର୍ଷକରେ ହୋଲି ତିନି ଦିନ ହେବା ଉଚିତ୍! ଯେଉଁ ପାର୍ଟି ମୋର ଏହି ସର୍ତ୍ତକୁ ପୂରଣ କରିବେ ମୋ ଭୋଟ ତାଙ୍କ ପାଇଁ!’ ପ୍ରକୃତରେ ଏହି ପୋଷ୍ଟଟି ସୁନୀଲ ତାଙ୍କ ଟ୍ୱିଟରରେ ପୋଷ୍ଟ କରିଛନ୍ତି ।
Holi khatam! Yar holi 1 saal main 3 din honi chahiye! . Jo bhi party yeh promise karegi, mera vote usi ko !
— Sunil Grover (@WhoSunilGrover) March 21, 2019
ସୁନୀଲଙ୍କ ଏହି ପୋଷ୍ଟକୁ ନେଇ ଅନେକ ଫ୍ୟାନ୍ସ ରିଆକ୍ଟ ହେବା ସହ ଅନେକ ମସ୍ତି ଭରା କମେଂଟ ମଧ୍ୟ ଦେଇଛନ୍ତି । ଏହାକୁ ଜଣେ ଫ୍ୟାନ୍ସ ଲେଖିଛନ୍ତି, ‘ଏବେଠାରୁ ହୋଲି ପ୍ରତ୍ୟେକ ବର୍ଷ ୩ ଥର, ଜନହିତରେ ଜାରି!!!’ ଏହାସହିତ ନେତାଙ୍କ ନେଇ ବି ଫ୍ୟାନ୍ସମାନେ କମେଂଟ କରିଛନ୍ତି । ସେ କହିଛନ୍ତି କି ‘ଏଭଳି ପ୍ରତିଶୃତି କେବଳ କେଜ୍ରିୱାଲ ହିଁ କରିପାରିବେ ।’
ସେହିପରି ଅନ୍ୟ ଜଣେ ଫ୍ୟାନ୍ସ ଲେଖିଛନ୍ତି କି , ‘ଯଦି ଆପଣ ସୋ’ରେ ନିୟମିତ ନଜର ଆସିବେ , ତେବେ ସାର୍ ଆମ ହୋଲି ତ ପ୍ରତିଦିନ ହେବ, ହୋଲିଠାରୁ ଅଧିକା ଆମେ ଆପଣଙ୍କ ସୋ’ରେ ଏନଜୟ କରୁଛୁ । ’
