ମୁମ୍ବାଇ (ଏଟିଆର ବ୍ୟୁରୋ): ବଲିଉଡ କଳାକାର ଏବଂ କ୍ରିକେଟର୍ସଙ୍କ ସମ୍ପର୍କ ବହୁ ପୁରୁଣା । ଇଣ୍ଡଷ୍ଟ୍ରିରେ ଏଭଳି ଅନେକ ଅଭିନେତ୍ରୀ ଅଛନ୍ତି, ଯେଉଁମାନଙ୍କର କ୍ରିକେଟର୍ସ ମାନଙ୍କ ସହିତ ଆଫେୟାର୍ସ ରହି ସାରିଛି । ସେହିଭଳି କ୍ରିକେଟର ହାର୍ଦ୍ଦିକ ପାଣ୍ଡ୍ୟା ମଧ୍ୟ ଅଭିନେତ୍ରୀ ଏଲି ଆବ୍ରାହମଙ୍କ ଠାରୁ ନେଇ ଉର୍ବସି ରୌତେଲାଙ୍କ ପର୍ଯ୍ୟନ୍ତ ଅନେକ ଅଭିନେତ୍ରୀଙ୍କୁ ଡେଟ କରି ସାରିଛନ୍ତି । କିନ୍ତୁ ଆଜିକାଲି ହାର୍ଦ୍ଦିକ ଈଶା ଗୁପ୍ତାଙ୍କୁ ଡେଟ୍ କରୁଥିବାର ଶୁଣିବାକୁ ମିଳୁଛି ।
ମିଳିଥିବା ରିପୋର୍ଟ ମୁତାବକ, ଆଜିକାଲି ଈଶା ଗୁପ୍ତା ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ମଧ୍ୟରେ ଘନିଷ୍ଠତା ଦେଖିବାକୁ ମିଳୁଛି । ପ୍ରଥମେ ଦୁହିଁଙ୍କର ଏକ ପାର୍ଟିରେ ସାକ୍ଷାତ ହୋଇଥିଲା । ତାପରେ ଦୁହେଁ ଦୁହିଁଙ୍କ ସହିତ କଥା ବାର୍ତ୍ତା ହେବା ପରେ ଫୋନ ନଂ ଦିଆ ନିଆ ହୋଇଥିଲେ । ଏବଂ ଦୁଇ ଜଣ ଗୁପ୍ତରେ ଲଞ୍ଚ ଏବଂ ଡିନର ଯାଉଥିବାର ଜାଣିବାକୁ ମିଳିଛି ।
ଗତ କିଛି ଦିନ ତଳେ ଶୁଣିବାକୁ ମିଳିଥିଲା ଯେ ହାର୍ଦ୍ଦିକ ଏବଂ ଏଲିଙ୍କ ମଧ୍ୟରେ ବ୍ରେକଅପ ହୋଇ ଯାଇଛି । ଏଲି ସଂପର୍କରେ ରହିବାକୁ ଚାହୁଁଥିଲେ କିନ୍ତୁ ହାର୍ଦ୍ଦିକ ଏନେଇ ସିରିଏସ ନଥିଲେ । ଯାହାକୁ ନେଇ ଦୁଇ ଜଣଙ୍କ ମଧ୍ୟରେ ଝଗଡା ହୋଇଥିଲା, ଏବଂ ଶେଷରେ ସଂପର୍କ ତୁଟି ଯାଇଥିଲା ।
