ମୁମ୍ବାଇ (ଏଟିଆର ବ୍ୟୁରୋ): ବହୁଦିନର ପ୍ରତିକ୍ଷା ପରେ ଶେଷରେ ଦୁଇଟି ହୃଦୟ ଏକ ହେବାକୁ ଯାଉଛି । ଆଜ୍ଞା ହଁ ଦୀପ୍ ଭୀର୍ ମାନେ ଦୀପିକା ପାଦୁକୋନ ଏବଂ ରଣବୀର ସିଂ ଦୁହେଁ ଆଜି ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି । ଦୁହିଁଙ୍କ ବାହାଘର ଇଟାଲିର ଲେକ୍ କୋମେରେ ହେଉଛି । ଭେନ୍ୟୁରେ ଏପର୍ଯ୍ୟନ୍ତ ଅତିଥିମାନେ ପହଁଚି ସାରିଲେଣି । ବାହାଘର ଭେନ୍ୟୁଟି ଏତେ ସୁନ୍ଦର ଭାବେ ସଜା ହୋଇଛି ଯେ, ଯେ କୌଣସି ବ୍ୟକ୍ତିଙ୍କ ଆଖି ଲାଖି ଯିବ ।
ବାହାଘରର ସମୟ ୪.୩୦ ରହିଥିଲା । କିନ୍ତୁ ଏପର୍ଯ୍ୟନ୍ତ ବାହାଘରର କୌଣସି ଫଟୋ ସାମ୍ନାକୁ ଆସିନଥିଲେ ମଧ୍ୟ ସୁନ୍ଦର ଭାବେ ସଜା ହୋଥିବା ଭେନ୍ୟୁର ଫଟୋ ଏବେ ଭାଇରାଲ ହେବାରେ ଲାଗିଛି ।
ଏଥିରେ ସିଧାସଳଖ ଜଣାପଡୁଛି ଯେ ସମ୍ପୂର୍ଣ୍ଣ ଫୁଲରେ ସଜା ହୋଇଛି ଭେନ୍ୟୁଟି । ଏଥିରେ ପାଖାପାଖି ଆଠ ହଜାର ଫୁଲ ବ୍ୟବହାର କରାଯାଇଛି । ଗତକାଲି ସଙ୍ଗୀତ ଉତ୍ସବରେ ରଣବୀର ଆଂଠୁ ମାଡି ଦୀପିକାକୁ ପ୍ରପୋଜ କରିଥିଲେ । ସେହି ସମୟରେ ଦୀପିକାଙ୍କ ଆଖିରୁ ଲୁହ ଗଡି ଯାଇଥିଲା ।
