ନୂଆଦିଲ୍ଲୀ (ଏଟିଆର ବ୍ୟୁରୋ): ଅୟାନ ମୁଖାର୍ଜିଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ବ୍ରହ୍ମାସ୍ତ୍ର’ ର ଟ୍ରେଲର ରିଲିଜ୍ ହେବା ପରଠୁ ଲଗାତର ଚର୍ଚ୍ଚାରେ ରହିଛି । ଫିଲ୍ମରେ ରଣବୀର କପୁର, ଆଲିଆ ଭଟ୍ଟ , ଅମିତାଭ ବଚ୍ଚନ, ନାଗାର୍ଜୁନ ଏବଂ ମନ ରୟ ଭଳି କଳାକାର ମୁଖ୍ୟ ଭୂମିକାରେ ରହିଛନ୍ତି । ଫିଲ୍ମର ପ୍ରଥମ ଟ୍ରେଲରରେ ଫ୍ୟାନ୍ସମାନେ ଶାହରୁଖ ଖାଁଙ୍କୁ ଦେଖିବାକୁ ପାଇଥିଲେ । ସେହିପରି ଏବେ ଫିଲ୍ମର ଦ୍ୱିତୀୟ ଟ୍ରେଲରରେ ଫ୍ୟାନ୍ସମାନେ ଦୀପିକା ପାଦୁକୋନଙ୍କ ଝଲକ ଦେଖିଥିବା ଦାବି କରିଛନ୍ତି ।
ରବିବାର ବ୍ରହ୍ମାସ୍ତ୍ରର ଟ୍ରେଲର ୪କେ ରେ ରିଲିଜ୍ କରାଯାଇଛି । ଫିଲ୍ମର ଏହି ଅପଗ୍ରେଟେଡ ଟ୍ରେଲର ଭିଡିଓ ଆରମ୍ଭରେ ରଣବୀର କପୁରଙ୍କ ସିନ୍ ପରେ ରେଡ୍ ଡ୍ରେସ ପିନ୍ଧି ସମୁଦ୍ର ଭିତରୁ ବାହାରୁ ଥିବା ଜଣେ ଝିଅର ଝଲକ ଦେଖିବାକୁ ମିଳୁଛି । ଯାହାକୁ ନେଇ ଫ୍ୟାନ୍ସମାନେ ଦାବି କରୁଛନ୍ତି କି ସମୁଦ୍ରରୁ ବାହାରୁଥିବା ଝିଅ ଜଣକ ଦୀପିକା ପାଦୁକୋନ ।
ଏହାପୂର୍ବରୁ ଫ୍ୟାନ୍ସମାନେ ବ୍ରହ୍ମାସ୍ତ୍ରର ଟ୍ରେଲରରେ ଶାହରୁଖ ଖାଁଙ୍କୁ ଦେଖିବାର ଦାବି କରିଥିଲେ । ଏହାପରେ ଜାଣିବାକୁ ମିଳିଥିଲା କି ବ୍ରହ୍ମାସ୍ତ୍ରରେ ଶାହରୁଖ କ୍ୟାମିୟୋ କରୁଥିବାର ନଜରକୁ ଆସିବେ ।
