ମୁମ୍ବାଇ (ଏଟିଆର ବ୍ୟୁରୋ) ବଲିଉଡର ଜଣା ଶୁଣା କଣ୍ଠଶିଳ୍ପୀ ସୋନା ମହାପାତ୍ରଙ୍କୁ କିଏ ବା ନ ଜାଣେ । ସର୍ବଦା କିଛି ନା କିଛି କାରଣକୁ ନେଇ ସେ ବିବାଦ ଘେରରେ ରହିଥାନ୍ତି । ଏଥରକ ସୋନା ବଲିଉଡର ଦବଙ୍ଗ ମାନେ ସଲମାନ୍ ଖାନ୍ ଙ୍କୁ ନେଇ ଭଡକି ଯାଇଛନ୍ତି ।
ନିକଟରେ ସଲମାନ୍ ତାଙ୍କ ଟ୍ୱିଟରି ଆକାଉଣ୍ଟରେ ଅଭିନେତ୍ରୀ କ୍ୟାଟ୍ରିନା କୈଫ୍ ଙ୍କ ସହ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଲେଖିଛନ୍ତି କି And it’s a wrap for #Bharat. ସଲମାନଙ୍କ ଏହି ଟ୍ୱିଟ୍ ପୋଷ୍ଟଟି ସୋନା ମହାପାତ୍ରଙ୍କ ଟ୍ୱିଟର ଆକାଉଣ୍ଟରେ ଦେଖାଯାଉଥିଲା । ଯାହାକୁ ଦେଖି ପୁରା ଭଡକି ଉଠିଛନ୍ତି ସୋନା ।
Dear @twitter I don’t follow this person & would request you to spruce up your algorithm to NOT put his advertised tweets on my timeline. pic.twitter.com/rEaiVGDtXL
— SONA (@sonamohapatra) March 6, 2019
ପ୍ରକୃତରେ ସୋନା ମହାପାତ୍ର ସଲମାନ୍ ଙ୍କ ଟ୍ୱିଟର ଫଲୋ ନକଲେ ବି ତାଙ୍କ ଆକାଉଣ୍ଟରେ ବାରମ୍ବାର ସଲମାନ୍ ଙ୍କ ପୋଷ୍ଟ ଦେଖୁଥିଲେ । ଏହାପରେ ସୋନା ରାଗି ଯିବା ସହ ଏହାକୁ ନେଇ ଟ୍ୱିଟରରେ ଅଭିଯୋଗ କରିଛନ୍ତି ।
ସେ ତାଙ୍କ ଟ୍ୱିଟରରେ ଏକ ସ୍କ୍ରିନସର୍ଟ ସେୟାର କରି ଅପିଲ କରିଛନ୍ତି କି ନିଜର ଆଲଗୋରିଦମକୁ ସଜାଗ କରନ୍ତୁ ଏବଂ ଟାଇମଲାଇନ୍ ରେ ବିଜ୍ଞାପନ କରୁନ୍ତୁ ନାହିଁ । ସଲମାନଙ୍କୁ ଦେଇଥିବା ବୟାନ ସୋନାଙ୍କର ଏହା ପ୍ରଥମ ବୟାନ ନୁହେଁ । କୃଷ୍ଣସାର ମୃଗ ମାମଲାରେ ବି ସଲମାନଙ୍କ ଉପରେ ସୋନା ଟିପ୍ପଣୀ ଦେଇଥିଲେ ।
