ମୁମ୍ବାଇ (ଏଟିଆର ବ୍ୟୁରୋ ) ; ରିଲିଜ ହେଲା ବହୁ ପ୍ରତୀକ୍ଷିତ ଫିଲ୍ମ ୨.୦ର ଟ୍ରେଲର । ବହୁ ଦିନରୁ ଏହି ଫିଲ୍ମର ଟ୍ରେଲର ଦେଖିବାଲାଗି ଅପେକ୍ଷା କରିଥିଲେ ଦର୍ଶକ । ତେବେ ସବୁ ପ୍ରତୀକ୍ଷାର ଅନ୍ତ ଘଟାଇ ଦର୍ଶକଙ୍କ ସାମ୍ନାକୁ ଆସିଲା ସମ୍ପୁର୍ଣ୍ଣ ଆକ୍ସନରେ ଭରା ୨.୦ର ଟ୍ରେଲର । ଏହାସହ ଏହି ଫିଲ୍ମ ମାଧ୍ୟମରେ ଜବରଦସ୍ତ କମବ୍ୟାକ କରୁଛନ୍ତି ଚିଟ୍ଟି ।
ସାଉଥ ସୁପର ଷ୍ଟାର ରାଜନୀକାନ୍ତ ଏହି ଫିଲ୍ମର ମୁଖ୍ୟ ଆକର୍ଷଣ ସାଜିଥିବାବେଳେ ବଲିଉଡର ଖିଲାଡୀ ବଏ ଅକ୍ଷୟ କୁମାର ଧୁମ ମଚାଇଛନ୍ତି । ଫିଲ୍ମର ଟ୍ରେଲରରେ ଜବରଦସ୍ତ ଆକ୍ସନ ସାଙ୍ଗକୁ ଭରପୁର ସସସ୍ପେନସ ରହିଛି । ଏହି ଫିଲ୍ମ ଜରିଆରେ ଦକ୍ଷିଣ ଭାରତୀୟ ଫିଲ୍ମରେ ଡେବ୍ୟୁ କରିଛନ୍ତି ଅକ୍ଷୟ ।
ଖାଲି ସେତିକି ନୁହେଁ ଡକ୍ଟର ରିଚାର୍ଡ ବା କ୍ରୋମ୍ୟାନ ଭୁମିକାରେ ମଧ୍ୟ ନଜରରେ ଆସିବେ ଏହି ବଲିଉଡ ସୁପରଷ୍ଟାର । ଏହାସହ ଫିଲ୍ମରେ ନେଗେଟିଭ କ୍ୟାରେକ୍ଟର ଭାବେ ଅଭିନୟ କରୁଛନ୍ତି ଖୀଲାଡୀ କୁମାର । ସେହିପରି ସାଉଥ ସୁପରଷ୍ଟାର ରଜନୀକାନ୍ତ ମୁଖ୍ୟ ଆକର୍ଷଣରେ ରହିଛନ୍ତି । ବୟସ ଅଧିକ ହୋଇଥିଲେ ବି ସେ ଏହି ଫିଲ୍ମରେ ଜବରଦସ୍ତ ଅଭିନୟ କରିଛନ୍ତି ।
ଏହି ଫିଲ୍ମ ଆସନ୍ତା ନଭେମ୍ବର ୨୯ ତାରିଖରେ ବଡ ପରଦାକୁ ଆସିବ ବୋଲି ଜଣାପଡିଛି । ଟ୍ରେଲରରେ ଦେଖାଯାଇଛି ଯେ , ସମଗ୍ର ପୃଥିବୀରେ ସ୍ମାର୍ଟ ଫୋନ ବହୁଳ ମାତ୍ରାରେ ବ୍ୟବହାର କରାଯିବାରୁ ଶାଗୁଣା ମାନଙ୍କ ବଂଶ ଲୋପ ପାଇଯାଇଛି । ତେବେ ଏହାର ପ୍ରତିଶୋଧ ନେବା ଉଦେଶ୍ୟରେ କ୍ରୋମ୍ୟାନ ପୃଥିବୀ ଉପରେ ଆକ୍ରମଣ କରୁଛି । କ୍ରୋମ୍ୟାନଙ୍କୁ ଟକ୍କର ଦେବା ପାଇଁ ଚିଟ୍ଟି ମଧ୍ୟ ସଙ୍ଗର୍ଷ କରୁଛି । ଏହାକୁ ନେଇ ଫିଲ୍ମଟିର କାହାଣୀ ଗତିଶୀଳ ହୋଇଛି ।
