ନୂଆଦିଲ୍ଲୀ (ଏଟିଆର ବ୍ୟୁରୋ): ଫିଲ୍ମ ‘ଆଦିପୁରୁଷ’ ର ର୍ୟାପ୍ ଅପ୍ କୁ ନେଇ ସୂଚନା ଦେଲେ ଓମ୍ ରାଉତ । ପୌରାଣିକ ଗ୍ରନ୍ଥ ରାମାୟଣ ଉପରେ ଆଧାରିତ ଏହି ଫିଲ୍ମରେ ସାଉଥ ସୁପରଷ୍ଟାର ପ୍ରଭାସ, ବଲିଉଡ ଅଭିନେତା ସୈଫ ଅଲ୍ଲୀ ଖାଁ, ଅଭିନେତ୍ରୀ କୃତି ସାନନ ଅଛନ୍ତି । ଫିଲ୍ମର ସୁଟିଂ ଶେଷ ହେବାର ସୂଚନା ସହିତ ଫିଲ୍ମର ରିଲିଜ୍ ତାରିଖ ମଧ୍ୟ ନିର୍ମାତା ଘୋଷଣା କରିଛନ୍ତି ।
ଫିଲ୍ମଟି ୧୧ ଅଗଷ୍ଟ ୨୦୨୨ ରେ ରିଲିଜ୍ ହେବ । ଫିଲ୍ମଟିକୁ ଅନେକ ଭାଷାରେ ନିର୍ମାଣ କରାଯାଇଛି ।
ନିର୍ଦ୍ଦେଶକ ଓମ ରାଉତ ଟ୍ୱିଟରରେ ଏକ ଫଟୋ ସେୟାର କରି କ୍ୟାପ୍ସନରେ ଲେଖିଛନ୍ତି କି ଆଦିପୁରୁଷର ସୁଟିଂ ଶେଷ । ଏକ ଭଲ ଯାତ୍ରା ଶେଷ ହୋଇଛି । ଆମେ ଯେଉଁ ମ୍ୟାଜିକ ସୃଷ୍ଟି କରିଛୁ ତାକୁ ଆପଣଙ୍କ ସହ ସେୟାର କରିବା ପାଇଁ ଉତ୍ସାହର ସହ ଅପେକ୍ଷା କରିଛୁ ।
