ନୂଆଦିଲ୍ଲୀ (ଏଟିଆର ବ୍ୟୁରୋ): ଘଟିଲା ଅପେକ୍ଷାର ଅନ୍ତ । ସାମ୍ନାକୁ ଆସିଲା ଫିଲ୍ମ ‘ଶାମଶେରା’ ର ଧମାକେଦାର ଟ୍ରେଲର । ଆଜ୍ଞା ହଁ , ରଣବୀର କପୁର, ବାଣୀ କପୁର ଏବଂ ସଞ୍ଜୟ ଦତ୍ତର ଫିଲ୍ମ ‘ଶାମଶେରା’ ର ଟ୍ରେଲର ଆଜି ରିଲିଜ୍ ହୋଇଛି । ଟ୍ରେଲର ଟି ଖୁବ୍ ଜବରଦସ୍ତ ହୋଇଛି । ଏହାକୁ ଦେଖିବା ପରେ ଲାଗୁଛି କି କେଜିଏଫ ଏବଂ ଆରଆରଆର ର ରେକର୍ଡ ଭାଙ୍ଗିବ ଶାମଶେରା ।
ଫିଲ୍ମର ଟ୍ରେଲରରେ ରଣବୀର କପୁରଙ୍କ ଜବରଦସ୍ତ ଲୁକ ଏବଂ ଅନ୍ଦାଜ ସମସ୍ତଙ୍କୁ ଚକିତ କରିଦେଇଛି । ଫିଲ୍ମ ସଞ୍ଜୁର ୪ ବର୍ଷ ପରେ ଏହି ଫିଲ୍ମ ଜରିଆରେ ଧମାକେଦାର କମବ୍ୟାକ କରିଛନ୍ତି ରଣବୀର । ଏଥିରେ ଜଣେ ଡକାୟତ ଚରିତ୍ରରେ ଅଭିନୟ କରିଛନ୍ତି ରଣବୀର । ଏଥିରେ ତାଙ୍କ ଅଭିନୟ ଲୋକଙ୍କ ଲୋମ ଟାଙ୍କୁରେଇ ଦେଇଛି । ସେହିପରି ସଞ୍ଜୟ ଦତ୍ତ ମଧ୍ୟ ଏଥିରେ ଜବରଦସ୍ତ ଅଭିନୟ କରିଛନ୍ତି । ଅନ୍ୟପଟେ ଫିଲ୍ମରେ ବାଣୀ କପୁର ଜଣେ ନାଚବାଲି ଚରିତ୍ରରେ ନଜରକୁ ଆସିବେ । ଯାହାର ଝଲକ ଏବେ ଟ୍ରେଲରରେ ଦେଖିବାକୁ ମିଳିଛି ।
