ମୁମ୍ବାଇ (ଏଟିଆର ବ୍ୟୁରୋ): ଅକ୍ଷୟ କୁମାର ଏଭଳି ଜଣେ କଳାକାର ଯିଏ ଗୋଟେ ବର୍ଷ ମଧ୍ୟରେ ଅନେକ ଫିଲ୍ମ କରିଥାନ୍ତି ଏବଂ ତାକୁ ଶେଷ ମଧ୍ୟ କରିଥାନ୍ତି । ସେ ଗୋଟେ ବର୍ଷରେ ନିହାତି ଭାବେ ୩ ରୁ ୪ଟା ଫିଲ୍ମ ପୁରା କରିଥାନ୍ତି । ଯେଉଁଥି ପାଇଁ ସେ ସବୁବେଳେ ଚର୍ଚ୍ଚାରେ ରହିଆସିଛନ୍ତି । ଏବେ ଅକ୍ଷୟକୁ ନେଇ ଆଉ ଏକ ଖବର ସାମ୍ନାକୁ ଆସିଛି । ଫୋର୍ବ୍ସର ହାଇଏଷ୍ଟ ପେଡ୍ କଳାକାର ତାଲିକାରେ ଅକ୍ଷୟଙ୍କ ନାଁ ସ୍ଥାନ ପାଇଛି । ଏହି ତାଲିକାରେ ବଲିଉଡର ଏକୁଟିଆ କଳାକାର ଭାବେ ଅକ୍ଷୟଙ୍କ ନାଁ ସାମିଲ ହୋଇଛି । ଯିଏ ତାଲିକରେ ଷଷ୍ଠ ସ୍ଥାନରେ ରହିଛନ୍ତି । ତାଙ୍କର ଆୟ ପାଖାପାଖି ୩୬୨ କୋଟି ବୋଲି କୁହାଯାଉଛି ।
ସେହି ଏହି ତାଲିକାର ପ୍ରଥମ ସ୍ଥାନରେ ରହିଛନ୍ତି ଦି ରକ୍, ଯାହାକୁ ଆପଣ ଡବେନ୍ ଜନସନ୍ ନାମରେ ଜାଣିଛନ୍ତି । ସେହିପରି ତୃତୀୟ ସ୍ଥାନରେ ରହିଛନ୍ତି ରୟାନ ରେନଲ୍ଡସ । ଯାହାଙ୍କର ଆୟ ହାରାହାରି ୭୧ ମିଲିଅନ ଡଲାର ବୋଲି କୁହାଯାଉଛି ।
ଫୋର୍ବ୍ସର କହିବାନୁଯାୟୀ,କଳାକାରଙ୍କ ଅଧିକ ଆୟର ଜରିଆ ହେଉଛି ପ୍ରଡକ୍ଟସ ଏଣ୍ଡୋର୍ସମେଣ୍ଟସ । ଏଥିରେ ଅକ୍ଷୟ ବି ପଛରେ ନାହାନ୍ତି । ସେ ବର୍ଷକରେ ଅନେକ ଫିଲ୍ମ କରିଥାନ୍ତି ଏବଂ ସୋ’ କୁ ବି ଯାଇଥାନ୍ତି । ଏହାସହିତ ଅନେକ ବିଜ୍ଞାପନ ବି କରିଥାନ୍ତି । ଚଳିତ ବର୍ଷ ବି ଅକ୍ଷୟ ଅନେକ ଫିଲ୍ମ କରିଥିଲେ କିନ୍ତୁ କରୋନା ପାଇଁ ରିଲିଜ୍ ହୋଇ ପାର ନାହିଁ ।
