ମୁମ୍ବାଇ (ଏଟିଆର ବ୍ୟୁରୋ): ସୋନମ୍ କପୁରଙ୍କ ବିବାହ ବଲିଉଡରେ ଏକ ନୂଆ ସିଜିନ୍ ଆଣିଦେଇଛି । ଧୀରେ ଧୀରେ ଇଣ୍ଡଷ୍ଟ୍ରିର କଳାକାରମାନେ ତାଙ୍କ ଫ୍ୟାନ୍ସ ମାନଙ୍କୁ ସର୍ପରାଇଜ ଦେଉଛନ୍ତି । ସୋନମଙ୍କ ବିବାହର ର ଦୁଇଦିନ ପରେ ଅଭିନେତ୍ରୀ ନେହା ଧୁପିଆଙ୍କ ଲୁଚାଛପା ବିବାହର ଫଟୋ ସମ୍ନାକୁ ଆସିଥିଲା । ଏବେ ପୁଣି ଥରେ ସଙ୍ଗୀତ ନିର୍ଦ୍ଦେଶକ ତଥା ଅଭିନେତା ହିମେଶ ରେଶମିଆ ତାଙ୍କ ବନ୍ଧୁ ସୋନିଆ କପୁରଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିବାର କିଛି ଫଟୋ ସମ୍ନାକୁ ଆସିଛି ।
ହିମେଶଙ୍କ ଘର ଲୋଖଣ୍ଡୱାଲରେ ଦୁଇଜଣଙ୍କ ବିବାହ ଗୁଜୁରାତୀ ରିତୀ ନିତୀ ରେ ସମ୍ପର୍ଣ୍ଣ ହୋଇଥିଲା । ଏହି ବିବାହରେ କେବଳ ହିମେଶଙ୍କ ସମ୍ପର୍କୀୟ ସାମିଲ ଥିଲେ । ବିବାହରର ଦୁଇଦିନ ପୂର୍ବରୁ ମେହେନ୍ଦୀ ଉତ୍ସବର ଆୟୋଜନ କରାଯାଇଥିଲା । ବିବାହରରେ ହିମେଶ ଏକ କ୍ରିମ୍ ରଙ୍ଗର ସେରୋୱାନି ପିନ୍ଧିବା ସହ ସୋନିଆ ଏକ ପିଚ୍ ରଙ୍ଗର ଲେହେଙ୍ଗା ପିନ୍ଧିଥିବାର ନଜର ଆସୁଥିଲେ ।
ଖବରମୁତାବକ, ହିମେଶଙ୍କ ଏହା ଦ୍ୱିତୀୟ ବିବାହ । ଏହା ପୂର୍ବରୁ ସେ ୨୧ ବର୍ଷ ବୟସରେ କୋମଲଙ୍କ ସହ ବିବାହ କରିଥିଲେ । ଦୀର୍ଘ ୨୨ ବର୍ଷ ପର୍ଯ୍ୟନ୍ତ ଦୁଇଜଣଙ୍କ ଭିତରେ ସଂପର୍କ ଥିଲା । କିନ୍ତୁ ଢେର ଦିନ ଯାଏଁ ଦୁଇଜଣ ଅଲଗା ରହୁଥିଲେ । ଗତବର୍ଷ ଦୁଇଜଣଙ୍କ ସହମତିରେ ଛାଡପତ୍ର ହୋଇଥିଲା । ତାଙ୍କର ଗୋଟେ ପୁଅ ମଧ୍ୟ ଅଛି ।
ହିିମେଶଙ୍କ ପତ୍ନୀ ସୋନିଆ ଜଣେ ଟିଭି ଅଭିନେତ୍ରୀ । ସେ ଅନେକ ସିରିୟଲରେ ନଜର ଆସି ସାରିଛନ୍ତି । ସୋନିଆ ଏବଂ ହିମେଶ ଗତ ଦଶ ବର୍ଷ ଧରି ଦୁହେଁ ଦୁହିଁଙ୍କୁ ଡେଟ୍ କରି ଆସୁଥିଲେ । ଏବଂ ଅନେକ ଦିନ ଧରି ଦୁହେଁ ଲିଭ୍ ଇନ୍ ରେ ରହୁଥିଲେ ।
