ମୁମ୍ବାଇ (ଏଟିଆର ବ୍ୟୁରୋ): ଛୋଟ ପରଦାରେ ଅନେକ ବଡ ବଡ ସ୍ୱପ୍ନ ପୂରଣ କରାଉଥିବା ଟିଭି ସୋ’ କେବିସି କେବଳ ପ୍ରତିଯୋଗୀ ମାନଙ୍କ ପାଇଁ ନୁହେଁ । ବରଂ ମହାନାୟକ ଅମିତାଭ୍ ବଚ୍ଚନଙ୍କ ପାଇଁ ମଧ୍ୟ ଏହା ହେଉଛି ଏକ ସୁନା ଅଣ୍ଡା ଦେଉଥିବା କୁକୁଡା । ଏଭଳି କହିବାର ମାନେ ହେଉଛି ଏହି ସୋ’ର ଗୋଟେ ଏପିସୋଡ୍ ପାଇଁ ବିଗ୍ ବି ଙ୍କ ଦାମ୍ ଜାଣିଲେ ଆପଣଙ୍କ ହୋସ୍ ଉଡିଯିବ ।
ଖବରମୁତାବକ, ଟିଭି ପରଦାରେ ଲୋକଙ୍କୁ ବିଭିନ୍ନ ପ୍ରଶ୍ନ ପଚାରି ସେମାନଙ୍କୁ ଲକ୍ଷ ସ୍ଥାନରେ ପହଁଚାଇ ପାରୁଥିବା ବିଗ୍ ବି ଏହି ସୋ’ ପାଇଁ କୋଟି କୋଟି ଟଙ୍କା ନେଇଥାନ୍ତି । ମିଳିଥିବା ରିପୋର୍ଟ ମୁତାବକ ସୋନି ଟିଭିରେ ପ୍ରସାରିତ ହେଉଥିବା କେବିସି ସିଜିନ୍ ୯ ପାଇଁ ସେ ଦୁଇଶହ କୋଟି ଟଙ୍କା ଡିଲ୍ କରିଥିଲେ ।
ଏହି ଡିଲ୍ ହିସାବରେ ୭୫ଟି ଏପିସୋଡ୍ ସୁଟ୍ କରାଯାଇଥିଲା । ସିଧା କହିବାକୁ ଗଲେ ବିଗ୍ ବିଙ୍କ ଗୋଟେ ଏପିସୋଡ୍ ର ଦାମ୍ ହେଉଛି ୨.୬ କୋଟି । ଏହି ଖବର ଆପଣଙ୍କୁ ଚକିତ କରିଦେଇଥିବ ନିଶ୍ଚିତ ।
ପ୍ରଥମରୁ ହିଁ ବିଗ୍ ବି ଏହି ସୋ’ସହିତ ଜଡିତ ଅଛନ୍ତି । କେବଳ ଗୋଟେ ସିଜିନ୍ ସାହରୁଖ୍ ଖାନ୍ ହୋଷ୍ଟ କରିଥିଲେ । ଯାହାର ଟିଆରପି ପୂରା ଡାଉନ୍ ଥିଲା ।
