ନୂଆଦିଲ୍ଲୀ (ଏଟିଆର ବ୍ୟୁରୋ): ବକ୍ସଅଫିସରେ ଝଡ ସୃଷ୍ଟି କରିଛି କିଙ୍ଗ୍ ଖାଁ ଶାହରୁଖଙ୍କ ଫିଲ୍ମ ‘ଜୱାନ’ । କ୍ରିଟିକ୍ସଠୁ ନେଇ ସାଧାରଣ ଲୋକଙ୍କ ଯାଏଁ ସମସ୍ତଙ୍କ ମୁହଁରେ ଜୱାନର ପ୍ରଶଂସା । ବିଶ୍ୱବ୍ୟାପି ଫିଲ୍ମଟି ରେକର୍ଡ ସୃଷ୍ଟି କରିଛି । ଫିଲ୍ମର ଦ୍ୱିତୀୟ ଦିନର କଲେକ୍ସନ ଏବେ ସାମ୍ନାକୁ ଆସିବା ସହ ଫିଲ୍ମଟି ୨୦୦ କୋଟି କ୍ଲବରେ ସାମିଲ ହୋଇଛି ।
ସାରା ଦୁନିଆରେ ଜବରଦସ୍ତ କଲେକ୍ସନ କରି ଦ୍ୱିତୀୟ ଦିନରେ ୨୦୦ କୋଟି କ୍ଲବରେ ପହଁଚିଛି । ବକ୍ସଅଫିସ ଇଣ୍ଡିଆ ରିପୋର୍ଟ ମୁତାବକ,ଜୱାନର ଦୁଇ ଦିନର ବକ୍ସଅଫିସ କଲେକ୍ସନ ୨୩୦ କୋଟି ।
ପ୍ରଥମ ଦିନ ଭାରତରେ ‘ଜୱାନ’ ୭୫ କୋଟି ଆୟ କରିଥିବା ବେଳେ ୱାଲ୍ଡୱାଇଡ ୧୨୯ କୋଟି ଆୟ କରିବାରେ ସଫଳ ହୋଇଥିଲା ।
