ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ କାଜୋଲଙ୍କ ତତ୍କାଳୀନ ଶୀର୍ଷକ ଫିଲ୍ମ ‘ଏଲା’ ସେପ୍ଟମ୍ବର ୧୪ରେ ପରଦାରେ ମୁକ୍ତିଲାଭ ହେବାକୁ ଯାଉଛି ।
ପ୍ରଦୀପ ସରକାରଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମରେ ରାଷ୍ଟ୍ରୀୟ ପୁରୁସ୍କାର ବିଜେତା ତଥା ଅଭିନେତା ରିଧି ସେନଙ୍କୁ ମଧ୍ୟ ଏଥିରେ ଦେଖିବାକୁ ମିଳିବ । ସେ ଏହି ଫିଲ୍ମରେ କାଜୋଲଙ୍କ ପୁଅ ଭୂମିକାରେ ଅଭିନୟ କରୁଥିବାର ନଜର ଆସିବେ ।
ଅଜୟ ଦେବଗନଙ୍କ ଦ୍ୱାରା ପ୍ରଯୋଜିତ ଏବଂ ମିତେଶ ଶାହାଙ୍କ ଦ୍ୱାରା ଲିଖିତ ଫିଲ୍ମ ‘ଏଲା’ରେ କାଜୋଲ ଏକ ଏକୁଟିଆ ରହୁଥିବା ମା’ ଏବଂ ମହତ୍ୱକାଂକ୍ଷୀ ଗାୟିକା ଭୂମିକାରେ ଅଭିନୟ କରିଥିବାର ଦେଖିବାକୁ ପାଇବେ ଦର୍ଶକ ।
କାଜୋଲଙ୍କୁ ଶେଷଥର ପାଇଁ ‘ଭିଆଇପି-୨’ ରେ ଦେଖିବାକୁ ପାଇଥିଲେ ଦର୍ଶକ । ଏହି ଫିଲ୍ମର ନର୍ଦ୍ଦେଶନା ଦେଇଥିଲେ ସୌନ୍ଦର୍ଯ୍ୟା ରଜନୀକାନ୍ତ । ଏହା ତାମିଲ ଭାଷାର ଏକ କମେଡି ଓ ଡ୍ରାମା ଫିଲ୍ମ ଥିଲା । ଏବେ ପୁଣି ଥରେ ପରଦାରେ ଏକ ନିଆରେ ଭୂମିକାରେ ନଜର ଆସିବେ କାଜୋଲ ।
