ମୁମ୍ବାଇ (ଏଟିଆର ବ୍ୟୁରୋ): ଗତବର୍ଷ ଟାଇଗର ଶ୍ରଫ ଫିଲ୍ମ ‘ସ୍ପାଇଡର ମ୍ୟାନ’ରେ ନିଜର ଭଏସ ଦେଇଥିଲେ, ଏବଂ ନିକଟରେ ଫିଲ୍ମ ‘ଡେଡପୁଲ-୨’ରେ ହିରୋ ଭଏସରେ ରଣବରୀ ସିଂ ତାଙ୍କର ଭଏସ ଦେଇଥିଲେ । ବର୍ତ୍ତମାନ ହଲିଉଡ ଫିଲ୍ମ ‘ଇନକ୍ରେଡିବୁଲ-୨’ ରେ ହିରୋଇନଙ୍କ ଭଏସରେ କାଜୋଲଙ୍କ ଭଏସକୁ ଶୁଣିବାକୁ ମିଳିବ ।କାଜୋଲଙ୍କ କହିବାନୁଯାୟୀ, ‘ଇନକ୍ରେଡିବୁଲ-୨’ର ପରିବାର ମୋର ପରିବାର ଭଳି ଏବଂ ତାଙ୍କର କାହାଣୀ ବହୁତ ସୁନ୍ଦର ଅଟେ ।
୨୦୦୪ରେ ଡିଜନୀ ପିକ୍ଚରରେ ଓସ୍କାର ପୁରସ୍କାର ବିଜେତା ଆନିମେଶନ ଫିଲ୍ମ ‘ଇନକ୍ରେଡିବୁଲ-୨’ ସାରା ଦୁନିଆରେ ଧୁମ୍ ମଚାଇଥିଲା । ଭାରତରେ ମଧ୍ୟ ଏହି ଫିଲ୍ମର ଚାହିଦା ଖୁବ୍ ରହିଥିଲା । ଏବେ ଏହି ସୁପରପାୱାର ରେ ପରିପୂର୍ଣ୍ଣ ପରିବାର, ବବ୍ ହେଲେନ ଦାସ ଭାଉଲେଟ ଏବଂ ଜ୍ୟାକ ଜ୍ୟାକର ସିକ୍ୟୁଲ ଆସୁଛି ।
ଜୁନ ୨୨ରେ ରିଲିଜ୍ ହେବାକୁ ଥିବା ଏହି ଫିଲ୍ମର ହିନ୍ଦୀ ସଂସ୍କରଣରେ ଇଲାଷ୍ଟିଗର୍ଲଙ୍କ ଭଏସରେ କାଜୋଲଙ୍କୁ ଶୁଣିବାକୁ ପାଇବେ ଦର୍ଶକ । ଡିଜ୍ନୀ ଇଣ୍ଡିଆ ଏଂଟରଟେନମେଂଟ ର ପ୍ରମୁଖ ବିଚିତ୍ରମ ଦୁଗଲଙ୍କ କହିବାନୁଯାୟୀ, ଡିଜ୍ନୀ ପିକ୍ଚର କାହାଣୀ ଗୁଡିକ ଭାରତର ଲକ୍ଷ ଲକ୍ଷ ଦର୍ଶକଙ୍କ ପସନ୍ଦ ।
