ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ କଙ୍ଗନା ରଣାୱତ ଆଜିକାଲି ତାଙ୍କ ଫିଲ୍ମଠାରୁ ଅଧିକ ସୋସିଆଲ ମିଡିଆରେ ତାଙ୍କ ପୋଷ୍ଟ ପାଇଁ ଚର୍ଚ୍ଚାରେ ଅଛନ୍ତି । ଏବେ ପୁଣି ଥରେ ଚର୍ଚ୍ଚାକୁ ଆସିଛନ୍ତି କଙ୍ଗନା । କିନ୍ତୁ ଏଥରକ କଙ୍ଗନା ଫିଲ୍ମର ଏକ ପୋଷ୍ଟକୁ ନେଇ ଚର୍ଚ୍ଚାକୁ ଆସିଛନ୍ତି ।
ପ୍ରକୃତରେ କଙ୍ଗନା ନିକଟରେ ତାଙ୍କର ଆଗାମୀ ଫିଲ୍ମ ‘ଧାକଡ’ ର କିଛି ଫଟୋ ସେୟାର କରିଛନ୍ତି । ଏହି ଫଟୋରେ ସେ ଖୁବ୍ ଷ୍ଟନିଙ୍ଗ ଲୁକ୍ ରେ ନଜର ଆସୁଛନ୍ତି । ଫଟୋରେ କଙ୍ଗନା ହାତରେ ବନ୍ଧୁକ ଧରିବା ସହ ତାଙ୍କ ମୁହଁ ରେ ଆଘାତ ଲାଗିଥିବାର ଦେଖିବାକୁ ମିଳୁଛି । ଏହି ଫଟୋକୁ ଦେଖିଲା ପରେ ଲାଗୁଛି କି ସତରେ ଏହି ଫିଲ୍ମରେ ଧାକଡ ଅବତାରରେ ଧମାଲ ମଚେଇବେ କଙ୍ଗନା ।
ବାସ୍ତବରେ ଧାକଡ ଏକ ସ୍ପାଇ-ଆକ୍ସନ ଫିଲ୍ମ । ଯେଉଁଥିରେ କଙ୍ଗନା ଜଣେ ସ୍ପେଶାଲ ଏଜେଣ୍ଟ ଅଗ୍ନି ଭୂମିକାରେ ନଜର ଆସିବେ । ସେହିପରି କଙ୍ଗନା ଫଟୋ ସେୟାର କରି ଲଖିଛନ୍ତି କି, ସେମାନେ ତାଙ୍କୁ ଅଗ୍ନି ବୋଲି ଡାକନ୍ତି । ଜଣେ ବାହାଦୂର ଧାକଡ । ସେପଟେ କଙ୍ଗନାଙ୍କ ଏହି ପୋଷ୍ଟକୁ ଫ୍ୟାନ୍ସ ଖୁବ୍ ପସନ୍ଦ ମଧ୍ୟ କରିଛନ୍ତି । ଏହି ଫିଲ୍ମରେ କଙ୍ଗନାଙ୍କ ସହିତ ଅର୍ଜୁନ ରାମପାଲ ଏବଂ ଦିବ୍ୟା ଦତ୍ତା ମଧ୍ୟ ନଜର ଆସିବେ । ଫିଲ୍ମଟି ୧ ଅକ୍ଟୋବରରେ ରିଲିଜ୍ ହେବ ।
