ନୂଆଦିଲ୍ଲୀ (ଏଟିଆର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଖାସ୍ ଚିଠି ଲେଖିଛନ୍ତି ବଲିଉଡ ଫିଲ୍ମ ନିର୍ମାତା ତଥା ନିର୍ଦ୍ଦେଶକ କରଣ ଜୋହର । ମୋଦିଙ୍କୁ କାହିଁକି ଚିଠି ଲେଖିଛନ୍ତି କରଣ ଏବଂ ଏହି ଚିଠିରେ କଣ ଲେଖା ହୋଇଛି । ଏଭଳି ଆନେକ ପ୍ରଶ୍ନ ମନରେ ଉଙ୍କି ମାରୁଥିବ । ଆଜ୍ଞା ହଁ ପ୍ରକୃତରେ ଦେଶ ସ୍ୱାଧୀନତା ହେବାର ୭୫ ବର୍ଷ ପୂରଣ ହେବା ଅବସରରେ କରଣ ଏକ ଖାସ୍ ଫିଲ୍ମ ନିର୍ମାଣ କରିବେ । ସେନେଇ ମୋଦିଙ୍କୁ ଚିିଠି ଲେଖି ଥିବାର ସୂଚନା ଦେଇଛନ୍ତି କରଣ ଜୋହର ।
କରଣ ଟ୍ୱିଟ କରି କହିଛନ୍ତି କି, ପ୍ରଧାନମନ୍ତ୍ରୀ ମୋଦି ଜୀ, ଆମ ପାଇଁ ଗର୍ବର ବିଷୟ ହେଉଛି ଆମେ ଏହି ମହାନ ଦେଶର କାହାଣୀ ନିର୍ମାଣ କରିବାକୁ ଯାଉଛୁ । ଏବେ ସ୍ୱାଧୀନତାର ୭୫ବର୍ଷର ଉତ୍ସବ ପାଳନ କରାଯିବ ।
ଚିଠିରେ ଆହୁରି ମଧ୍ୟ ଲେଖାଯାଇଛି କି, ଚେଞ୍ଜ ୱିଦିନ କ୍ୟାପେନ ଭଳି ଫିଲ୍ମ ଇଣ୍ଡଷ୍ଟ୍ରୀ ଏଭଳି କାହାଣୀ ଦେଖିବାକୁ ଚାହୁଁଛି । ଯେଉଁଥିରେ ଭାରତର ସଂସ୍କୃତି, ମୂଲ୍ୟ ଏବଂ ଶୌର୍ୟ ପ୍ରଦର୍ଶିତ ହୋଇଥିବ । ଏହା ଏକ କାହାଣୀ , ଯାହାକୁ ଆମେ ନିର୍ମାଣ କରିଛୁ । ଦେଶର ପ୍ରତ୍ୟେକ କୋଣରେ ଏଭଳି କାହାଣୀ ରହିଛି ଯାହା ପ୍ରେରଣାଦାୟୀ ଅଟେ । ଆମେ ଏହି ଯାତ୍ରାର ଶୁଭାରମ୍ଭ କରୁଛୁ । ପ୍ରେରଣାର ସ୍ର୍ତ୍ରୋତ ଆମ ମାନନୀୟ ପ୍ରଧାନମନ୍ତ୍ରୀ ଜୀଙ୍କ ଠାରୁ ଆମେ ନିରନ୍ତର ମାର୍ଗଦର୍ଶନ ଚାହୁଁଛୁ, ଆମେ ଫିଲ୍ମ ଇଣ୍ଡଷ୍ଟ୍ରୀର ସଦସ୍ୟଙ୍କ ସ୍ୱାଧୀନତାର ୭୫ ବର୍ଷ ଉତ୍ସବ ପାଳନ ପାଇଁ ଆମ ଯୋଜନାକୁ ଘୋଷଣା କରି ବହୁତ ଖୁସୀ ଅନୁଭବ କରୁଛୁ ।
