ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ କରୀନା କପୁର ଏବେ ସୈଫଙ୍କ ସହିତ ଖୁସିରେ ବୈବାହିକ ଜୀବନ ବିତାଉଛନ୍ତି । କିନ୍ତୁ କରୀନାଙ୍କୁ ନେଇ ଏଭଳି ଏକ ଖବର ଶୁଣିବାକୁ ମିଳିଛି । ଯାହା ଆପଣଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେବ । କରୀନା କପୁରଙ୍କର ଏକ ଭିଡିଓ ଭାଇରାଲ ହେଉଛି ଯାହା ସୋସିଆଲ ମିଡିଆରେ ହାଲା ମଚାଇଛି । ଭିଡିଓରେ କରୀନା କଂଗ୍ରେସ ପାର୍ଟିର ଅଧ୍ୟକ୍ଷ ରାହୁଲ ଗାନ୍ଧୀଙ୍କ ସହ ଡେଟିଂ କରିବା କଥା କହିଛନ୍ତି ।
ପ୍ରକୃତରେ ଭିଡିଓରେ କରୀନା ତାଙ୍କ ଫିଲ୍ମ ‘ରିଫ୍ୟୁଜି’ରେ ଡେବ୍ୟୁ କରିବା ପରେ ସିମି ଗେରେୱାଲଙ୍କ ଟକ୍ ସୋ’ କୁ ଯାଇଥିଲେ । ସୋ’ରେ ସିମି ଗେରେୱାଲ କରୀନାଙ୍କୁ ପ୍ରଶ୍ନ କରିଥିଲେ କି ସେ କାହା ସହିତ ଡେଟ୍ ରେ ଯିବାକୁ ଚାହୁଁଛନ୍ତି । ଏହାର ଉତ୍ତରରେ କରୀନା ରାହୁଲ ଗାନ୍ଧୀଙ୍କ ନାଁ ନେଇଥିଲେ । କରୀନା କହିଥିଲେ କି ଯଦି ଏହା ବିବାଦୀୟ ତେବେ ଏଥିରେ ମୋତେ କୌଣସି ଫରକ ପଡିବ ନାହିଁ । ତେବେ ଏହି ଟକ୍ ସୋ’ରେ କରୀନା ରାହୁଲଙ୍କୁ ନେଇ କ’ଣ କହିଛନ୍ତି ନଜର ପକାନ୍ତୁ ଏହି ଭିଡିଓ ଉପରେ ।
ବର୍ତ୍ତମାନ କରୀନା କପୁର ତାଙ୍କ ଅପକମିଂ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ତାଙ୍କ ବିପକ୍ଷରେ ଅକ୍ଷୟ କୁମାର ନଜର ଆସିବେ । କରୀନା ଏବଂ ଅକ୍ଷୟଙ୍କ ବ୍ୟତିତ ଏହି ଫିଲ୍ମରେ କିଆରା ଆଡଭାନୀ ଏବଂ ଦିଲଜିତ୍ ଦୋସାଞ୍ଝ ଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ରାଜ ମେହତା ଅଛନ୍ତି । ଫିଲ୍ମ ‘ଗୁଡ୍ ନ୍ୟୁଜ୍ ’ ବ୍ୟତିତ କରଣ ଜୋହରଙ୍କ ଫିଲ୍ମ ‘ତଖତ୍’ରେ ନଜର ଆସିବେ କରୀନା ।
