ନୂଆଦିଲ୍ଲୀ (ଏଟିଆର ବ୍ୟୁରୋ): ଫିଲ୍ମ ‘ଧମାକା’ ର ଧମାକେଦାର ଟ୍ରେଲର ରିଲିଜ୍ କରିବା ପରେ କାର୍ତ୍ତିକ ଆର୍ୟନ ଏବେ ଫିଲ୍ମ ‘ଶେହଜାଦା’ ର ସୁଟିଂ ଆରମ୍ଭ କରିଦେଇଛନ୍ତି । କାର୍ତ୍ତିକ ଏବେ ବ୍ୟାକ ଟୁ ବ୍ୟାକ ଘୋଷଣା ଏବଂ ବିଭିନ୍ନ ପ୍ରୋଜେକ୍ଟର ସୁଟିଙ୍ଗ ଶେଡ୍ୟୁଲ ସହିତ ଖୁବ୍ ବ୍ୟସ୍ତ ରହୁଛନ୍ତି । ଏହାସହିତ କାର୍ତ୍ତିକ ତାଙ୍କ ଇଂଷ୍ଟାଗ୍ରାମରେ ଏକ ଫଟୋ ପୋଷ୍ଟ କରି ଲେଖିଛନ୍ତି ‘ଶେହଜାଦା’ ଆରମ୍ଭ ।
ବିନା ବ୍ରେକରେ ଲଗାତର ଶେଡ୍ୟୁଲରେ କାମ କରୁଛନ୍ତି କାର୍ତ୍ତିକ । ଲଗାତର ୨୪ ଘଣ୍ଟା କାମରେ ବ୍ୟସ୍ତ । ସେ ତେଣିକି ସୁଟିଂ ହେଉ ଅବା ପ୍ରମୋଶନ ଲଞ୍ଚ । ପ୍ରଥମ ଥର ପାଇଁ ‘ଶେହଜାଦା’ରେ ନିର୍ଦ୍ଦେଶକ ରୋହିତ ଧୱନଙ୍କ ସହିତ କାମ କରିବା ପାଇଁ ପ୍ରସ୍ତୁତ କାର୍ତ୍ତିକ ।
କାର୍ତ୍ତିକଙ୍କ ଅପକମିଂ ଫିଲ୍ମ ତାଲିକା ବଢି ବଢି ଯାଉଛି । ଏହି ତାଲିକାରେ ଏବେ ‘ଶେହଜାଦା’ ସାମିଲ ହୋଇଯାଇଛି ।
