ନୂଆଦିଲ୍ଲୀ (ଏଟିଆର ବ୍ୟୁରୋ): କରୋନା ପାଇଁ ଦେଶବ୍ୟାପୀ ଲକ୍ ଡାଉନ୍ ଘୋଷଣା କରାଯାଇଛି । ଏହି ଅବସରରେ ସାଧାରଣ ଜନତାଙ୍କଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ ସମସ୍ତେ ନିଜ ନିଜ ଘରେ ଲକ୍ ଡାଉନ୍ ହୋଇଛନ୍ତି । ଘରେ ରହି ଯିଏ ଯାହାର ଆକ୍ଟିଭିଟି କରି ନିଜକୁ ବ୍ୟସ୍ତ ରଖୁଛନ୍ତି । ଇତିମଧ୍ୟରେ ଅଭିନେତ୍ରୀ କ୍ୟାଟ୍ରିନା କୈଫ୍ ଙ୍କ ଲକ୍ ଡାଉନ୍ ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
କ୍ୟାଟ୍ରିନା କୈଫ୍ ତାଙ୍କ ଘରେ ଝାଡୁ କରୁଥିବାର ଏକ ଭିଡିଓ ସୋସିଆଲ ମିଡିଆରେ ସେୟାର କରିଥିଲେ । ଯାହା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ସେହିପରି ଅନ୍ୟ ସେଲିବ୍ରିଟି ମାନେ କିଏ ଘରେ ରାନ୍ଧୁଛି ତ ପୁଣି ଆଉ କେହି କେହଇ ବହି ପଢୁଛନ୍ତି ।
ଅନ୍ୟପଟେ ଲକ୍ ଡାଉନ ସମୟରେ ଅଭିନେତ୍ରୀ ଅଦା ଶର୍ମା ନିଆରା ଢଙ୍ଗରେ ଘର ସଫା କରୁଥିବାର ନଜର ଆସିଛନ୍ତି । ଭିଡଓରେ ଅଦା ଏକ୍ସରସାଇଜ୍ କରିବା ସହିତ ଘର ସଫା କରୁଛନ୍ତି । ଏହି ଭିଡିଓଟି ସେହି ଲୋକମାନଙ୍କ ପାଇଁ ଯେଉଁମାନେ ଘରେ ରହି ସେମାନଙ୍କର ଜିମ୍ କୁ ମିସ୍ କରୁଛନ୍ତି ।
