ମୁମ୍ବାଇ (ଏଟିଆର ବ୍ୟୁରୋ): ପୁଣି କ୍ୟାଟ୍ରିନା ଏବଂ ସଲମାନଙ୍କ ଯୋଡି ଦର୍ଶକଙ୍କୁ ମତୁଆଲା କରିବା । ଆଜ୍ଞା ହଁ ଫିଲ୍ମ ଭାରତରେ ସଲମାନ ଏବଂ କ୍ୟାଟ୍ରିନାଙ୍କ ବାହାଘର ଦୃଶ୍ୟ ଦର୍ଶକ ଦେଖିବାକୁ ପାଇବେ ବୋଲି ଶୁଣିବାକୁ ମିଳୁଛି । ଇତି ମଧ୍ୟରେ କ୍ୟାଟ୍ରିନା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯାହା ସୋସିଆଲ ମିଡିଆରେ ଖୁବ୍ ଧୁମ୍ ମଚାଉଛି ।
କ୍ୟାଟ୍ରିନା ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଏହି ଫଟୋରେ କ୍ୟାଟ୍ରିନା ସୁଇମିଂ ପୁଲ ଭିତରେ ବିକିନ୍ ପିନ୍ଧି ଥିବାର ନଜର ଆସିଛନ୍ତି । କ୍ୟାଟ୍ ଙ୍କ ଚାରିଆଡେ ଖାଲି ପାଣି ହିଁ ପାଣି । ଏଥିରେ କ୍ୟାଟ୍ ଙ୍କ ଲୁକ୍ ଦେଖି ୟୁଜର୍ସ ଖୁବ୍ ପ୍ରଭାବିତ ହୋଇଛନ୍ତି । ଏପର୍ଯ୍ୟନ୍ତ ଏହି ଫଟୋକୁ ୧୪ ଲକ୍ଷରୁ ଅଧିକ ଲୋକ ଦେଖି ସାରିଲେଣି । ଏଡି ଫଟୋ ପୂର୍ବରୁ କ୍ୟାଟ୍ ଙ୍କ ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ଭିଡିଓରେ କ୍ୟାଟ୍ ରେଡ୍ ଡ୍ରେସରେ ହଟ୍ ନଜର ଆସୁଥିଲେ । ଏଥିରେ କ୍ୟାଟ୍ କେବଳ ରେଡ୍ ଡ୍ରେସ୍ ପିନ୍ଧିନଥିଲେ ବରଂ ତାଙ୍କ ପାଖରେ ଥୁଆ ହୋଇଥିବା ବାଇକ୍ ଏବଂ ବ୍ୟାଗ୍ରାଉଣ୍ଡ ବି ରେଡ ଥିଲା ।
ଖବରମୁତାବକ, କ୍ୟାଟ୍ରିନା ଏବଂ ସଲମାନଙ୍କ ଫିଲ୍ମ ‘ଭାରତ’ ଇଦ୍ ଅବସରରେ ପରଦାରେ ମୁକ୍ତି ଲାଭ କରିବ । ଅଲ୍ଲୀ ଅବାସଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମରେ ତବୁ, ଦିଶା ପଟ୍ଟାନୀ ଏବଂ ସୁନୀଲ ଗ୍ରୋଭର ବି ନଜର ଆସିବେ । ଫିଲ୍ମର ଟିଜର ବି ରିଲିଜ୍ ହୋଇ ସାରିଛି । ଯାହାକୁ ଦର୍ଶକ ଖୁବ୍ ପସନ୍ଦ କରିଛନ୍ତି ।
